Petrosyan Group & Silk Ventures-ը հայտարարում է բազմամիլիոն դոլար արժողությամբ Barcelona District նախագիծ Հայաստանում

Մարտի 19-ից 21-ը Մադրիդում IFEMA MADRID համալիրում հաջողությամբ տեղի ունեցավ REBUILD 2024-ի՝ եվրոպական առաջնակարգ միջոցառումը՝ նվիրված արդյունաբերական պրակտիկաների, թվային նորարարությունների և կայուն լուծումների միջոցով շինարարության արդյունաբերության առաջխաղացմանը: Միջոցառումը գրավեց ավելի քան 24,000 գնորդների, ինչպես նաև բացահայտեց ավելի քան 5,600 նոր շենքերի նախագծեր, ինչը նշանակալի իրադարձություն է շենքերի շինարարության էվոլյուցիայի մեջ: REBUILD 2024-ի կարևորագույն իրադարձություններից էր Barcelona District նախագծի ներդրումը, որը քաղաքաշինական պլանավորման հավակնոտ նախաձեռնություն է: Այն ոգեշնչված է խորհրդանշական Բարսելոնա քաղաքից: Այս նախագիծը, որը նախատեսվում է իրականացվել Երևանում և Տաշքենդում, ներկայացնում է նոր տեսլական մարտավարական ուրբանիզմի և քաղաքների կայուն զարգացման գործում: Barcelona District նախագիծը ղեկավարում են The Petrosyan Group-ի և Silk Ventures-ի նախագահ՝ Սեդրակ Պետրոսյանը: Նախագծման և պլանավորման ղեկին կանգնած է իսպանացի հայտնի ճարտարապետ և քաղաքային նախագծող Խոսե Ասեբիլոն: Սեդրակ Պետրոսյանի կողմից հիմնադրված «Պետրոսյան Գրուպ»-ը, որի գլխավոր գրասենյակը գտնվում է Իսպանիայում, բիզնես ներկայություն ունի Եվրոպայի, Կովկասի և Կենտրոնական Ասիայի տարբեր տարածքներում և ձգտում է տնտեսական և ձեռնարկատիրական կամուրջներ կառուցել Եվրոպայի և Ասիայի միջև: Սեդրակ Պետրոսյանը նշեց նաև, որ նրանք շատ մոտ են եվրոպական ֆուտբոլային գրանդակումբներից մեկի հետ վերջնական համաձայնության գալուն՝ այդ թաղամասում ֆուտբոլային ակադեմիա բացելու նպատակով: «Մարտավարական քաղաքաշինություն. ինչպե՞ս կառուցել այն, ի՞նչ է անհրաժեշտ նորարարական և տեխնոլոգիական թաղամասերին» վերնագրով կլոր սեղանի քննարկմանը, նախագիծը ներկայացրին Սեդրակ Պետրոսյանը, Խոսե Ասեբիլոն, Խելացի քաղաքներ միջազգային ցանցի նախագահ Օսվալդո Միրելեսիի և Metrovacesa-ի կայուն քաղաքային զարգացման գծով տնօրենը Ալմուդենա Կանո Պինեյրոյի հետ համատեղ: Ասեբիլոն կիսվեց քաղաքաշինության վերաբերյալ իր խորը փորձով և փիլիսոփայությամբ` նաև անդրադառնալով Բարսելոնայի Օլիմպիական խաղերի իր փոխակերպող աշխատանքին: Մյուս կողմից, պարոն Պետրոսյանը կարևորեց օրեցոր զարգացող երկրների չօգտագործված ներուժը, ինչպիսիք են Հայաստանը և Ոզբեկիստանը՝ ուրվագծելով համագործակցության ոգին և փորձը, որոնք անհրաժեշտ են նման մոնումենտալ նախագծերն իրականացնելու համար: Առաջիկայում Հայաստանում և Ուզբեկստանում տեղի կունենան մամուլի ասուլիսներ, որոնք կքննարկեն հետագա գործողությունները: REBUILD 2024-ը ևս մեկ անգամ ցույց տվեց իր դերը որպես շինարարության ապագայի կատալիզատոր: Barcelona District նախագիծը մարմնավորում է նորարարությունը, կայունությունը և համատեղ ջանքերը, որոնք սահմանում են քաղաքային զարգացման հաջորդ սահմանը: Աղբյուր՝ ZM