Toyota-ի բաժնետոմսերը նվազում են Toyota Motor Corp.-ի բաժնետոմսերի գինը հասել է վերջին 18 ամսվա նվազագույնին՝ կազմելով 180 ԱՄՆ դոլար 1 բաժնետոմսի դիմաց: Պատճառը Toyota-ի դուստր ընկերություն Daihatsu Motor Co.-ում իրականացված ստուգումներն են` անվտանգության թեստերի արդյունքները կեղծելու փաստի առնչությամբ: Daihatsu-ն մեքենաներ և ավտոմասեր է մատակարարում այնպիսի խոշոր ապրանքանիշերի, ինչպիսիք են Toyota-ն, Mazda Motor Corp.-ը և Subaru Corp.-ը: Այս շաբաթ համաշխարհային ավտոարտադրողը հետ է կանչել ԱՄՆ-ում վաճառված մոտ 1 միլիոն ավտոմեքենա, քանի որ անհրաժեշտության դեպքում ուղևորների անվտանգության բարձիկները կարող են չաշխատել: Toyota-ի համար իր նկատմամբ վստահության վերականգնումը կարող է բարդ լինել, քանի որ սա երկրորդ դեպքն է, երբ նրա խոշոր մասնաճյուղերից մեկը հայտնվում է նման իրավիճակում: