Այս մասին Օրենսդիր ժողովում հայտարարել է Պետերբուրգի և Լենինգրադի մարզի ՆԳՆ գլխավոր վարչության պետ Ռոման Պլուգինը։
Նախաձեռնությունը հնչել է «Պերեկրեստոկ» խանութում տեղի ունեցած միջադեպից հետո, որի ժամանակ զոհվել է այցելու։ Սպանության մեջ մեղադրվում են առևտրի կետի անվտանգության աշխատակիցները։
Հարցը բարձրացրել է ԼԴՊՌ պատգամավոր Պավել Իտկինը՝ նշելով, որ խմբակցությունը կողմ է օտարերկրյա քաղաքացիներին արգելել կատարել ցանկացած գործունեություն, որը կապված է մարդկանց բերման ենթարկելու կամ ուժի կիրառման հետ՝ անկախ զբաղեցրած պաշտոնից։
Ի պատասխան՝ Ռոման Պլուգինը իրավիճակը բնութագրել է որպես «բարձրագույն աստիճանի սրիկայական» և առաջարկել է ընդլայնել գործող սահմանափակումները։ Նրա խոսքով՝ ներկայումս արդեն արգելված է օտարերկրյա քաղաքացիների աշխատանքի ընդունումը որպես անվտանգության աշխատակից, ինչպես նաև գնորդների սպասարկման հետ կապված որոշ հաստիքներում։
«Սակայն բիզնեսը հաճախ “քողարկում” է միգրանտներին պահեստապետների, առաքիչների և այլ նմանատիպ պաշտոնների տակ։ Այդ իսկ պատճառով ցանկանում ենք միջնորդություն ներկայացնել՝ առևտրի օբյեկտներում միգրանտների աշխատանքի ընդունումը ամբողջությամբ կանխելու համար։ Մենք ուսումնասիրել ենք, որ տնտեսության համար դա հարված չի լինի», — հայտարարել է Պլուգինը։
Նախաձեռնությունը դեռ քննարկման փուլում է։
