Հայաստանի և Վրաստանի բանկային շահութաբերության ցուցանիշների ընթացիկ վերլուծություն Հայաստանի բանկերի միությունն այսուհետ նախատեսում է պարբերաբար ներկայացնել ՀՀ բանկային համակարգի ցուցանիշների վերաբերյալ վերլուծություններ՝ համադրելի երկրների հետ համեմատական օրինակներով։ Սույն անդրադարձով ներկայացնում ենք ՀՀ և Վրաստանի բանկային համակարգերի շահութաբերության մակարդակի համեմատական վերլուծությունը։ Ընդունված է, որ շահութաբերությունը չափվում է ROE գործակցով՝ շահույթ/կապիտալ հարաբերակցությամբ։ Ներկայացված վիճակագրության համաձայն՝ ընթացիկ տարվա առաջին 6 ամիսների տվյալներով ՀՀ բանկային համակարգի տարեկանացված ROE-ն կազմել է 21,9%, Վրաստանում՝ 23,5%։ Նշենք, որ ՀՀ բանկային համակարգի շահութաբերության մակարդակը (ROE) պատմականորեն եղել է ցածր։ Մինչև 2022 թվականը, 10 տարիների ընթացքում (2012-2022), ՀՀ բանկային համակարգի միջինացված տարեկան ROE-ն եղել է 7%, ինչն էականորեն ցածր  է համադրելի երկներից։ Մասնավորապես, օրինակ Վրաստանի բանկային համակարգի ROE-ն նույն ժամանակահատվածի համար կազմել միջինում տարեկան 17,5%։ Համեմատության համար նշենք, որ  ցուցանիշը ցածր է նույնիսկ բանկերի համաշխարհային միջին ROE-ից, որը կազմել է շուրջ 9-10%։ ՀՀ և Վրաստանի բանկային համակարգերի ROE-ի համեմատական վերլուծությունը՝ կից պատկերում։ Վրաստանի համապատասխան ցուցանիշները ներկայացված են դրամային արտահայտությամբ։ Ներկայացված վիճակագրական տվյալները վերցված են ՀՀ և Վրաստանի բանկերի պաշտոնական կայքերից։