Որոնք են կաթնամթերք արտադրող աշխարհի թոփ 20 խոշոր ընկերությունները
Rabobank-ը թարմացրել է 2023 թվականի արդյունքների հիման վրա աշխարհի խոշորագույն կաթնամթերք արտադրող ընկերությունների ամենամյա վարկանիշը՝ Global Dairy Top-20-ը: Ինչպես նախորդ տարի, այս ցուցակը կրկին գլխավորում է ֆրանսիական Lactalis-ը, որը դարձել է առաջին ընկերությունը, որի կաթնամթերքի վաճառքից ստացած եկամուտը գերազանցել է 30 միլիարդ դոլարը: Ըստ Agroexport-ի, վերջին չորս տարիների ընթացքում Lactalis-ի վաճառքները աճել են ավելի քան 11 միլիարդ դոլարով: Վարկանիշում ընդգրկված ընդամենը ութ ընկերություն է կարողացել պահպանել իր դիրքերը 2022 թվականի համեմատ: Nestlé-ն և Dairy Farmers of America-ն փոխել են տեղերը՝ զբաղեցնելով համապատասխանաբար 2-րդ և 3-րդ հորիզոնականները: Գների զգալի աճի պատճառով Fonterra, Arla Foods, FrieslandCampina և Mengniu ընկերությունները նահանջել են մեկ հորիզոնականով:
2023 թվականին աշխարհի խոշորագույն 20 կաթնամթերք արտադրող ընկերությունների ընդհանուր շրջանառությունը դոլարային արտահայտությամբ աճել է ընդամենը 0,3%-ով՝ նախորդ տարվա 8,1%-ի համեմատ: Կաթի գների անկումը, որը հաջորդեց 2022 թվականի բարձր ցուցանիշներին, դարձել է աճի զգալի դանդաղման հիմնական գործոնը: