Մեկ ամիս անց Երևանում կմեկնարկի անշարժ գույքի եվ կառուցապատման ոլորտի միջազգային ամենախոշոր ցուցահանդեսը՝ Տուն Էքսպոն: Արդեն երկրորդ անգամ մեկ հարկի տակ կհավաքվեն շինարարության ու կառուցապատման ոլորտի լավագույնները: Իսկ մինչեվ այդ էքսպոյի մասնակից ընկերությունների ներկայացուցիչները հավաքվել էին մեկ տեղում, միմյանց ավելի լավ ճանաչելու, նոր նախագծերը քննարկելու համար: 3 օր՝ մարտի 31-ից ապրիլի 2-ը այս կազմակերպություններն ու անշարժ գույքի գործակալությունները կողք կողքի իրենց ապրանքն ու ծառայությունները կներկայացնեն էքսպոյի մասնակիցներին: Բոլոր նրանք, ովքեր անընդհատ փնտրտուքի մեջ են կառուցապատող ընտրելու համար, չեն կողմնորոշվում, չգիտեն ինչպես եվ ում դիմել, տեղում մեկ շրջայցի ընթացքում կկարողանան ծանոթանալ կառուցապատող ընկերությունների առաջարկներին, ստանալ բոլոր հարցերի պատասխաները, ու նաև ժամանակ խնայել: Ցուցահանդես-վաճառքի կազմակերպիչ Բիգ Պրոջեկտս ընկերությունը վստահ է, լայնածավալ շինարարությունների ֆոնին տուն էքսպոյի կարիքը կար: Այն նաև մեծ դեր է խաղում ոլորտի զարգացման համար: Իսկ այն որ ցուցահանդեսը հաջողվել է, վկայում են նախորդ տարվա բարձր ցուցանիշները: Իսկ նախապատրաստական աշխատանքը շարունակվում է: Մարտի վերջին 3 օր մարզահամերգային համալիրը կվերածվի մեծ շինհրապարակի: Բոլոր այցուլների համար մուտքն ազատ է լինելու:
