Pepsi-ի և Coca-Cola-ի գազավորված ըմպելիքները մինչև հուլիս կարող են անհետանալ ռուսական խանութմերից,- գրում է Fontanka-ն։
Հրապարակման աղբյուրների համաձայն ՝ Ռուսաստանի Դաշնությունում PepsiCo ապրանքանիշի ներքո սոդայի թողարկումը դադարեցվել է, և այժմ արտադրողները «լրացնում են մնացորդները»։ Փորձագետների կանխատեսումների համաձայն ՝ այս ըմպելիքի պաշարները կարող են սպառվել մինչև հուլիս։
PepsiCo-ն դեռ մարտի սկզբին հայտարարել էր, որ դադարեցնում է խմիչքների և գովազդի վաճառքը Ռուսաստանում։ Այնուհետ Coca-Cola-ն հայտարարեց, որ դադարեցնում է բաղադրիչների մատակարարումը ռուսական շուկա, իսկ մայիսի սկզբին չէր բացառել, որ ամբողջությամբ կլքի երկիրը։
Չնայած դրան, երկու ընկերությունների արտադրանքի վաճառքը շարունակվել է, սակայն դրանց գները նկատելիորեն աճել են։
Շուկայի մասնակիցների կարծիքով ՝ Ռուսաստանում PepsiCo-ի և Coca-Cola-ի գործարանները կշարունակեն գործել, սակայն կվերակողմնորոշվեն տեղական ապրանքանիշերով արտադրության:Աղբյուրների համաձայն ՝ PepsiCo-ն պատրաստ է հունիսին սկսել նոր գծով ցանցերի մատակարարումը։ Այն կպարունակի ցիտրուսային ըմպելիքներ, շշերի դիզայնը կհիշեցնի Mirinda-ն ու 7Up-ը։ Ենթադրվում է, որ նոր գիծը կկոչվի Fruitz, սակայն անունը կարող է փոփոխվել։
