ԱրարատԲանկի ֆինանսական աջակցությամբ Մատենադարանում բացվել է ձեռագրերի կենսաքիմիական հետազոտությունների լաբորատորիա

«Հիշողության կերպարանքները» միջազգային սեմինարի շրջանակում, «Արարատ Բանկ»-ի աջակցությամբ, Մատենադարանում բացվել է ձեռագրերի կենսաքիմիական հետազոտության լաբորատորիան։

Ձեռագրերի պահպանման արդիական այս ենթակառուցվածքը ստեղծվել է «Արարարտ Բանկ»-ի ֆինանսական աջակցությամբ։

Լաբորատորիան որակապես նոր հարթության վրա է դնելու Մատենադարանի գործունեությունը ձեռագրերի վերականգնման ոլորտում և էապես նպաստելու է Մատենադարանի նոր ծրագրերի իրականացմանը, մասնավորաբար՝ աշխարհասփյուռ հոգևոր կենտրոնների ձեռագրական հավաքածուների վերականգնման գործում։

Մատենադարանի և ԱրարատԲանկի միջև համագործակցությունը ոչ միայն ներդրում է հայ մշակույթի պահպանման գործում, այլև հնարավորություն է տալիս մասնակից լինել համաշխարհային նշանակության գիտական առաջընթացին։

ԱրարատԲանկի ներդրումը Մատենադարանի կենսաքիմիական լաբորատորիայում նշանակալի քայլ է դեպի Հայաստանի մշակութային ժառանգության պահպանման և հետազոտման նոր հորիզոններ: