Շատ գյուղացիական տնտեսություններ կանգնել են խաղողի բերքի իրացման խնդրի առջև Խաղողի մթերման նախաշեմին շատ գյուղացիական տնտեսություններ կանգնել են բերքի իրացման խնդրի առջև, քանի որ չունեն պայմանագրեր մթերող կազմակերպությունների հետ: Գյուղատնտեսության նախարարի նախկին տեղակալ Գառնիկ Պետրոսյանը նշել է, որ գյուղացիներից ահազանգեր է ստանում, որ պայմանագրեր չունեն և չգիտեն, թե որ կազմակերպությունների հետ կարող են կնքել դրանք։ Գառնիկ Պետրոսյանի խոսքով՝ մյուս կողմից, այն ընկերությունները, որոնք պայմանագրեր են կնքել խաղողագործների հետ, շատ ցածր գնով են պատրաստ մթերել խաղողը։ Մասնագետի խոսքով՝ մյուս խնդիրն այն է, որ մթերող ընկերությունները կամայական են գործում, նախորդ տարիների փորձը դա է ապացուցում։