Հայաստանի համար տարօրինակ է, որ այս տարի Հայաստանից դեպի Ռուսաստան արտահանվող ապրանքներով բեռնված 60-ից ավելի մեքենաներ են հետ վերադարձվում, երբ հայ մատակարարներն իրենց ապրանքների որակի մեջ որևիցե փոփոխություն չեն կատարել: Նման դիրքորոշում է հայտնել Հայաստանի էկոնոմիկայի նախարարը:
Հայկական կողմն ուսումնասիրում է «Ռոսսելխոզնադզոր»-ի հրապարակած նյութերը, որոնցով հիմնավորել են մեր տնտեսավարողների արտադրած ապրանքների անհամապատասխանությունները:
Հայաստանը ԵԱՏՄ շրջանակներում սկսել է գործողություններ: Հրավիրվել է հրատապ խորհրդակցություն, որը տեղի կունենա առաջիկա 2 օրվա ընթացքում:
Հիշեցնենք, որ «Ռոսսելխոզնադզոր»-ը հայտնել է Հայաստանից բուսական արտադրանքի մատակարարման խախտումների աճի մասին: Ընթացիկ տարում Հայաստանից մատակարարված ծաղկի և պտուղ-բանջարեղենային արտադրանքներում գրանցվել է կարանտինային վնասակար օրգանիզմների հայտնաբերման 72 դեպք։
JavaScript seems to be disabled in your browser. You must have JavaScript enabled in your browser to utilize the functionality of this website.
