Լուրեր ներդրողների համար. Limitless Asset Management. մանրամասները՝ ABNews.am կայքում
Իրանը հայտնում է, որ ԱՄՆ հարձակման ենթարկված միջուկային օբյեկտներում աղտոտման որևէ նշան չի արձանագրվել
Իրանը մտադիր չէ դադարեցնել միջուկային արդյունաբերությունը ԱՄՆ–ի հարվածներից հետո. ԻԱԷԿ
Թրամփը հայտարարել է, որ ԱՄՆ-ն ամբողջությամբ ոչնչացրել է Իրանի ուրանի հարստացման օբյեկտները
Ռոսսելխոզնադզորը կարող է հունիսի 27-ից արգելել ՀՀ-ից ծաղիկների ներմուծումը՝ վնասատուների հայտնաբերման և տվյալների բացակայության հիմքով
Իսրայելի հարձակումներից ի վեր Իրանում զոհվել է 430 խաղաղ բնակիչ, վիրավորվել՝ ավելի քան 3500. Իրանի ԱՆ
ԵՄ-ը հետաձգել է ռուսական նավթի գնային շեմի նվազեցումը Իսրայելի եւ Իրանի հակամարտության պատճառով
Ռուսաստանը դեմ է, որ Իրանը զանգվածային ոչնչացման զենք ունենա. Պուտին
Հայաստանի էկոնոմիկայի նախարարն ու ՊԵԿ նախագահը կմեկնեն Վրաստան
Թրամփը դեմ է ՆԱՏՕ-ի ռազմական ծախսերն ԱՄՆ-ի համար 5%-ով բարձրացնելուն՝ կոչ անելով եվրոպացիներին ստանձնել այդ բեռը
Հինգ Դաս, որ Qyachal-ի վրիպակից կարող է սովորել ամեն բրենդ. մանրամասները՝ ABNews.am կայքում
Իսրայելում ՀՀ դեսպանությունը հորդորում է ՀՀ քաղաքացիներին զգոն լինել ու հետևել պաշտոնական հաղորդումներին. +972 58 607 0313
Կայացել է ԱրարատԲանկի բաժնետերերի տարեկան ընդհանուր ժողովը. դիտեք ABNews.am կայքում
Եվրոպական ներդրումային բանկը €70 մլրդ կուղղի տեխնոլոգիական ոլորտին՝ խթանելու նորարարությունն ու արդյունաբերական զարգացումը
Եվրոպական ներդրումային բանկը €100 մլրդ սահմանաչափով 2025-ին կներդնի պաշտպանության, էներգացանցերի և էներգախնայողության մեջ
Իռլանդիան դադարեցրել է ածխով էներգիայի արտադրությունը․ շուտով նույնը կկատարեն Իսպանիան ու Իտալիան
Մեկ օրում բացահայտվել է հանցագործության 110 դեպք. գրանցվել է 10 ավտովթար, վիրավորվել է 10 մարդ
Մեծ Բրիտանիայում մանրածախ վաճառքը մայիսին նվազել է 2.7 տոկոսով
Անապահով անձանց աշխատանքի ընդունած գործատուները կստանան ամսական 73,000 դրամ աջակցություն
Իսրայելում արգելափակված հայ զբոսաշրջիկներն արդեն Հայաստանում են

Ինչ ծրագրեր է իրականացրել Ասիական Զարգացման Բանկը Հայաստանում 2024 թ.-ին

Փտր 26, 2025 17:43
17

Հայաստանի զարգացման առանցքային գործընկեր

Ասիական Զարգացման Բանկը (ԱԶԲ) 2024 թվականին շարունակաբար աջակցել է Հայաստանի զարգացմանը՝ ներդրումներ կատարելով ենթակառուցվածքների, ֆինանսական համակարգի, մասնավոր սեկտորի, առողջապահության եւ սոցիալական ոլորտներում: ԱԶԲ-ն, հանդիսանալով Ասիայի եւ Խաղաղ օվկիանոսի տարածաշրջանի Կլիմայական բանկ, մեծ ուշադրություն է դարձրել կլիմայական խնդիրների լուծմանը՝ կազմակերպելով վերապատրաստումներ առանցքային լրատվամիջոցների համար եւ վարելով ռազմավարական երկխոսություններ Հայաստանի կառավարության հետ:

Ենթակառուցվածքային զարգացման նախաձեռնություններ

ԱԶԲ-ն զգալի ներդրումներ է իրականացրել տրանսպորտային ենթակառուցվածքներում, մասնավորապես՝ Հյուսիս-Հարավ ճանապարհային միջանցքի շրջանակում: 2024 թվականին ավարտվել է Թալին-Լանջիկ Տրանշ 3-րդ հատվածի (18.7 կմ) կառուցումը, ինչպես նաեւ հաստատվել է €236 մլն վարկ՝ Սյունիքի մարզում նոր ճանապարհային հատվածի ֆինանսավորման համար:

«Դիմակայուն եւ Ներառական Ճանապարհային Հատվածի Բարելավման Ծրագիրը» ներառում է 27.1 կիլոմետր երկարությամբ ճանապարհ, 16 կամուրջ եւ երեք թունել, ինչը կբարելավի անվտանգությունն ու կրճատի ուղեւորության ժամանակը 90 րոպեով:

Սեյսմիկ անվտանգության բարելավման նպատակով բացվել է երկու դպրոց՝ նախատեսված մոտ 1000 աշակերտի համար, որոնք ոչ միայն համապատասխանում են սեյսմիկ չափանիշներին, այլեւ ներառական են եւ էներգաարդյունավետ: Ավելին, ծրագրի շրջանակում նախատեսվում է ավարտել 46 դպրոցի կառուցումը, որոնցից 18-ն արդեն շահագործման է հանձնվել:

Ֆինանսական համակարգի կայունության ամրապնդում

2024թ. նոյեմբերին ԱԶԲ-ն հաստատել է €89.47 մլն վարկ, որը նախատեսված է Հայաստանի ֆինանսական շուկաների զարգացման եւ ֆիսկալ կայունության ապահովման համար: Այս ծրագիրը իրականացվում է Ֆրանսիայի Զարգացման Գործակալության հետ համատեղ եւ ուղղված է պետական ֆինանսական կառավարման համակարգի բարելավմանը:

Առողջապահական ոլորտի զարգացում

ԱԶԲ-ն տրամադրել է €45.31 մլն արդյունքահեն վարկ, որը ուղղված է «Առողջապահության Որակի Բարելավման Ծրագրին»: Ծրագրի շրջանակում 24 բուժհաստատություն կթարմացվի՝ դրանք դարձնելով ներառական, դիմակայուն եւ գենդերազգայուն: Ծրագրի ֆինանսավորմանը աջակցում է նաեւ Ճապոնիայի կառավարությունը՝ տրամադրելով $2 մլն դրամաշնորհ:

Մասնավոր սեկտորի աջակցություն եւ ներդրումներ

ԱԶԲ-ն շարունակել է աջակցել մասնավոր հատվածի զարգացմանը՝ ներդրումներ կատարելով ենթակառուցվածքներում, «կանաչ» ֆինանսավորման եւ տեխնոլոգիական նախաձեռնություններում:

  • $18.5 մլն ներդրում՝ «Տելեկոմ Արմենիա» ԲԲԸ-ի $75 մլն պարտատոմսային թողարկման շրջանակում՝ Հայաստանի թվային ենթակառուցվածքների զարգացման եւ կլիմայական նպատակներին աջակցելու համար:
  • «Կանաչ» ֆինանսավորման խթանում՝ տեղական ֆինանսական հաստատությունների միջոցով «կանաչ» վարկավորման ընդլայնման համար:
  • Քամու էներգիայի կենսունակության գնահատում Հայաստանում, ինչպես նաեւ տվյալների կենտրոնի շուկայի ուսումնասիրություն՝ երկրի տեխնոլոգիական զարգացման հնարավորությունները հասկանալու նպատակով:

Սոցիալական աջակցություն եւ արտակարգ իրավիճակների արձագանք

2023 թվականին էթնիկ հայերի զանգվածային տեղահանումից հետո ԱԶԲ-ն տրամադրել է $1.25 մլն աջակցություն, որը ներառում է՝

  • Հաշմանդամ անձանց համար օժանդակ սարքավորումների ձեռքբերում եւ տեղադրում
  • Հաշմանդամության էլեկտրոնային հարթակի մշակում
  • Տեղահանվածների եւ նրանց գույքային իրավունքների վարչական ռեգիստրի ստեղծման աջակցություն

Գենդերային հավասարություն եւ վերապատրաստումներ

ԱԶԲ-ն մեծ ուշադրություն է դարձրել գենդերային համաչափ քաղաքային զարգացմանը, պետական ներկայացուցիչների համար կազմակերպել է աշխատաժողովներ եւ իր աշխատակիցների համար՝ կանանց ներուժի հզորացման դասընթացներ:

Բացի այդ, ԱԶԲ-ն անցկացրել է վերապատրաստման դասընթացներ Հայաստանի նախարարությունների համար, անդրադառնալով թեմաների լայն շրջանակի՝

  • Կլիմայական փոփոխություններ
  • Աղետի ռիսկերի կառավարում
  • Ճանապարհային անվտանգություն
  • Սեյսմիկ պաշտպանություն
  • Տեղեկատվության եւ հաղորդակցության տեխնոլոգիաներ

Տեխնիկական աջակցություն եւ նորարարություն

ԱԶԲ-ն շարունակել է ներգրավել տեխնիկական աջակցության ծրագրեր՝ խթանելու գիտելիքահեն որոշումների կայացումը եւ նորարարության զարգացումը:

  • Կլիմայական տվյալների վրա հիմնված հարկաբյուջետային քաղաքականություն
  • Կայուն քաղաքային պլանավորում
  • Համակցված եւ դիմակայուն ջրային կառավարում

Առողջապահության ոլորտում մշակվել է կլիմայապես պատասխանատու ծրագիր, որը ներառում է նոր տեխնոլոգիաներ՝ հաշմանդամության էլեկտրոնային համակարգ եւ առողջապահական աշխատուժի տեղեկատվական համակարգ:

ԱԶԲ-ի հանձնառությունը Հայաստանի զարգացմանը

2024 թվականին ԱԶԲ-ն Հայաստանի կառավարության հետ սերտ համագործակցության շրջանակում իրականացրել է բազմաբնույթ ծրագրեր՝ ներառելով ենթակառուցվածքներ, ֆինանսական բարեփոխումներ, մասնավոր սեկտորի զարգացում, սոցիալական եւ առողջապահական նախաձեռնություններ: ԱԶԲ-ն շարունակում է հավատարիմ մնալ Հայաստանի բարգավաճման, ներառական զարգացման, դիմակայունության եւ կայուն զարգացման առաջնահերթություններին, նպաստելով երկրի տնտեսական եւ սոցիալական առաջընթացին:

Բաժանորդագրվեք մեր Տելեգրամյան ալիքին՝ բիզնես ոլորտի ամենաթարմ և կարևոր նորություններին առաջինը ծանոթանալու համար: