![ADS](https://abnews.am/wp-content/uploads/2022/04/abnews-ads.png)
![](https://abnews.am/wp-content/uploads/2022/08/f5f3114e6e9b8b_5f3114e6e9bc7.jpeg)
Հայաստանի բանկերի միությունը ամփոփել է բանկային համակարգի 2022թ առաջին կիսամյակի ցուցանիշները: Դրանք վկայում են, որ այդ ընթացքում կապիտալն ավելացել է 23%-ով՝ կազմելով 1 139 մլրդ դրամ, ընդհանուր ակտիվները՝ 2.74%-ով՝ կազմելով 7 239 մլրդ դրամ։ ՀԲՄ գործադիր տնօրենի խոսքով՝ տարիների ընթացքում բանկային համակարգում կապիտալի և ակտիվների էական, անընդհատ աճը վկայում է համակարգի շարունակական մեծացման և ընդլայնման մասին։ Առաջին կիսամյակում վարկային ներդրումներն ավելացել են 0.7%-ով՝ կազմելով 3 996 մլրդ դրամ։ Առևտրային բանկերի ընդհանուր վարկային պորտֆելի 44.4%-ը տնտեսությանը տրված վարկերն են, 44.2%-ը՝ ֆիզանձանց վարկերը և 11.4%-ը՝ այլ ֆինանսական կազմակերպություններին տրված վարկերն են և նրանցից ներգրավված ավանդները: Վարկերի կառուցվածքում գրանցվել է սպառողական վարկերի 0.4%, հիպոտեկի 10.3%, շինարարության 4.2%, գյուղատնտեսության վարկերի 1.6% աճ ։ Նվազում գրանցվել է տրանսպորտի և կապի, սպասարկման, արդյունաբերության և առևտրի ոլորտներում:
Մեկնաբանություն