Կառավարությունն առաջարկում է վկայական չտալ այն ավիաընկերություններին, որոնց ղեկավարներն ունեն ՙտնտեսվարողի վատ հեղինակություն: Օդանավ շահագործողի վկայականը, այն փաստաթուղթն է, առանց որի ոչ մի ավիաընկերություն չի կարող կոմերցիոն գործունեություն ծավալել: Դեռ նախորդ տարվա հոկտեմբերին տարածքային կառավարման եւ ենթակառուցվածքների նախարարությունը, որին ենթարկվում է Քաղավիացիայի կոմիտեն, առաջարկել էր մերժել Օդանավ շահագործողի վկայականը-ի տրամադրումը, եթե առկա է այլ անձանց կյանքի, առողջության կամ սեփականության, նաեւ պետության անվտանգության կամ ավիացիայի բնագավառում հեղինակության կամ առանձնապես կարեւոր հանրային շահերի պաշտպանության համար ծանր հետեւանքների առաջացման հնարավորություն կամ վտանգ: Նախարարությունն առաջարկում էր նաեւ, որ եթե ավիաընկերությունն արդեն ունի ՕՇՎ, բայց դրա գործունեության ընթացքում ի հայտ են գալիս վերը նշված հիմքերը, որոնք հնարավոր չէ վերացնել, ապա կոմիտեն կարող է դադարեցնել վկայականի գործողությունը: Մինչևայժմ ՙԱվիացիայի մասին՚ օրենքում ՕՇՎ-ի տրամադրումը մերժող կամ եղած ՕՇՎ-ի գործողությունը դադարեցնող նման հիմքեր նախատեսված չեն:
Մեկնաբանություն