Թրամփն ընդունել է Իրանի 10 պահանջները

Թեհրանի առաջարկները կարող են հիմք հանդիսանալ բանակցությունների համար։

ԱՄՆ նախագահ Դոնալդ Թրամփը հայտարարել է, որ ընդունել է Իրանի կողմից ներկայացված 10 կետից բաղկացած առաջարկները՝ երկշաբաթյա հրադադարից առաջ։ Նա այս մասին գրել է TruthSocial սոցիալական ցանցում։

Թրամփի խոսքով՝ Թեհրանի առաջարկները կարող են հիմք հանդիսանալ բանակցությունների համար, սակայն վերջնական խաղաղության համաձայնագրի կնքման համար անհրաժեշտ է առնվազն երկու շաբաթ։

Միևնույն ժամանակ Իրանի արտաքին գործերի նախարար Աբբաս Արաղչին հրապարակել է այն 10 կետերը, որոնց, իր պնդմամբ, ԱՄՆ-ն համաձայնել է։

Դրանք ներառում են՝

  • չհարձակման պարտավորություն,
  • Հորմուզի նեղուցի նկատմամբ Իրանի վերահսկողության պահպանում,
  • ուրանի հարստացման ընդունում,
  • առաջնային և երկրորդային պատժամիջոցների վերացում,
  • ՄԱԿ-ի և ԱԷՄԳ որոշումների չեղարկում,
  • փոխհատուցումների վճարում,
  • ամերիկյան ուժերի դուրսբերում տարածաշրջանից,
  • ինչպես նաև ռազմական գործողությունների դադարեցում տարբեր ճակատներում։

Հայտարարությունները դեռևս չեն ստացել պաշտոնական համատեղ հաստատում, և գործընթացը գտնվում է բանակցային փուլում։