ՏՏ ոլորտի մասնաբաժինը պետական բյուջեի եկամուտներում կազմել է 7․6 տոկոս

ՏՏ ոլորտը ոչ միայն տնտեսության ամենաարագ զարգացող ճյուղերից է, այլ նաև Հայաստանի մրցունակության և միջազգային հեղինակության կարևոր հիմքերից մեկը: 

«State&Tech bridge» միջոցառման քննարկման շրջանակում ասել է ՊԵԿ նախագահի առաջին տեղակալ Վրեժ Մխիթարյանը՝ հավելելով, որ ռիսկերի գնահատման համակարգի վերլուծությունները համաձայն, ՏՏ ոլորտը համեմատաբար ավելի ցածր ռիսկայնություն ունի, ուստի գործում են թեթևացված վարչարարական մոտեցումներ։

Ըստ նրա, այսօր Կոմիտեի նպատակն է ստեղծել նորարությունը խթանող և առողջ մրցակցային դաշտ ապահովող հարկային վարչարարության միջավայր, որը կդառնա ոլորտի կայուն զարգացան հիմքը:

Կարևորելով ոլորտի դերը պետական բյուջեի եկամուտների ձևավորման գործում՝ նա հավելեց. «2025 թվականի բյուջեի հավաքագրումներում ՏՏ ոլորտի մասնաբաժինը կազմել է շուրջ 7․6 տոկոս։ Բացի հարկային մուտքերից, ոլորտը ապահովում է նաև բարձր վարձատրվող աշխատատեղեր, արտահանման աճ և ներդրումների ներգրավում»։

Ներկայացվեցին նաև ցուցանիշներ. ըստ որոնց, միայն ծրագրային ապահովման մշակում և տեղեկատվական ծառայությունների ոլորտներում 2025 թվականի 7 ամիսներին գործել է մոտ 18 հազար աշխատատեղ, ինչը նախորդ տարվա համեմատ ավելի է 1700-ով։