Իրանին են մոտենում ամերիկյան ռազմանավեր

Վաշինգտոնը ուշադիր հետևում է Իրանի շուրջ զարգացումներին ։

ԱՄՆ նախագահ Դոնալդ Թրամփը հայտարարել է, որ Վաշինգտոնը ուշադիր հետևում է Իրանի շուրջ զարգացումներին և ուժեղացնում է իր ռազմական ներկայությունը տարածաշրջանում։ Այս մասին նա լրագրողներին ասել է Air Force One ինքնաթիռում՝ Դավոսում անցկացված Համաշխարհային տնտեսական համաժողովից վերադառնալիս, հայտնում է BBC-ն։

Թրամփի խոսքով՝ «շատ նավեր շարժվում են այդ ուղղությամբ»։ «Մենք մեծ ուժեր ենք ուղարկում դեպի Իրան»,- հայտարարել է ԱՄՆ նախագահը՝ դրանք բնութագրելով որպես «արմադա» և «հսկայական նավատորմ»։ Միևնույն ժամանակ նա հավելել է, որ հնարավոր է՝ այդ ուժերը գործի դնելու անհրաժեշտություն չառաջանա։

ԱՄՆ նախագահի այս հայտարարությունը հնչել է մի քանի օր անց այն բանից հետո, երբ նա հրաժարվել էր Իրանին ռազմական հարվածի սպառնալիքից։ Սպիտակ տունը այդ ժամանակ հայտնել էր, որ Թեհրանը դադարեցրել է ցուցարարների նկատմամբ նախատեսված մահապատիժների իրականացումը, հիշեցնում է AFP գործակալությունը։