Ինչ է կատարվել Հայաստանի և միջազգային տնտեսական աշխարհում։

ՏԵՂԱԿԱՆ

Հայաստանի տնտեսության աճը 2025-ին կմնա բարձր․ ԶԵԲ
2025-ի առաջին 9 ամիսներին ՀՆԱ-ն աճել է 6%։ Ամենամեծ ներդրումը տվել են ֆինանսական գործունեությունը, ՏՏ ոլորտը և շինարարությունը։ Արտաքին առևտուրը նվազել է՝ նախորդ տարվա բարձր բազայի պատճառով։

Էլեկտրաէներգիայի արտադրությունն աճել է 4,2%-ով (հունվար–հոկտեմբեր)
Արտադրությունը կազմել է 7 442.2 մլն կՎտ․ժ։ Հոկտեմբերին տարեկան կտրվածքով՝ +1.2%, իսկ սեպտեմբերի համեմատ՝ -5.1%։

2026-ից երեխայի նպաստի անկանխիկ գործարքների դեպքում հնարավոր կլինի ստանալ մինչև 20% հետվճար
Օրինակ՝ երրորդ երեխայի 50,000 դրամ նպաստը կարող է հասնել 60,000 դրամի՝ անկանխիկ գնումների դեպքում։

Հինգ համայնք պայքարում է 2027թ․ «Երիտասարդական մայրաքաղաք» տիտղոսի համար
Գորիս, Մասիս, Վաղարշապատ, Ստեփանավան ու Վեդի համայնքները ներկայացրել են հայտերը։

Սևանա լճի մակարդակը նվազել է 17 սանտիմետրով
2025-ի նոյեմբերի 28-ի դրությամբ լիճը գտնվել է 1900.26 մ բարձրության վրա։ 11 ամսում Արփա-Սևան թունելով լիճ է հոսել 114 մլն խմ ջուր, ոռոգման համար բաց է թողնվել 180.9 մլն խմ։

ՄԻՋԱԶԳԱՅԻՆ

Իրանում հայտնաբերվել է նոր խոշոր ոսկու հանքավայր
Շադանի հանքավայրը գնահատվում է 61 մլն տոննա պաշարով, որոնցից 7.95 մլն տոննա օքսիդային, 53.1 մլն տոննա՝ սուլֆիդային ոսկի պարունակող հանքաքար։

Ֆրանսիան կարող է առաջին անգամ 50 տարվա ընթացքում բախվել գյուղատնտեսական առևտրի դեֆիցիտի
Պատճառները՝ գինու արտահանման դանդաղում, սուրճի և կակաոյի բարձր գներ, ԱՄՆ և Չինաստանի մաքսատուրքեր։

Շվեյցարիայում մերժվել է հարուստների ժառանգության հարկի առաջարկը
Քվեարկողների 79%-ը դեմ է եղել հարկի ներդրմանը, իսկ 84%-ը՝ պարտադիր քաղաքացիական ծառայությանը։

Վրաստանի մանդարինների արտահանման միջին գինը՝ 0.5 դոլար/կգ
Սեպտեմբերի 1–նոյեմբերի 25 արտահանվել է 4.5 հազար տոննա։ Տարեկան անկումը՝ 69.2%։