Կոնվերս Բանկն ավարտել է Գլոբբինգի՝ ՀՀ դրամով պարտատոմսերի տեղաբաշխումը

Կոնվերս Բանկը նախատեսված ժամկետից շուտ ավարտել է Գլոբբինգի՝ ՀՀ դրամով պարտատոմսերի տեղաբաշխումը։

Տեղաբաշխման ընդհանուր ծավալը կազմել է 1,5 մլրդ ՀՀ դրամ, արժեկտրոնային եկամտաբերությունը՝ 12%, մարման ժամկետը՝ 36 ամիս։

Հիշեցնենք, որ ընկերության՝ 2 մլն ԱՄՆ դոլար ընդհանուր ծավալով դոլարային պարտատոմսերի տեղաբաշխումն ավարտվել էր ավելի վաղ՝ հունվարի 5-ին։

Գլոբբինգի թե դրամային, թե ԱՄՆ դոլարով պարտատոմսերը մեծ պահանջարկ են ունեցել գերազանցապես ֆիզիկական անձանց շրջանում: Արձանագրվել են ֆիզիկական անձ ներդրողներից աննախադեպ քանակի հայտեր: Ավելի քան 400 հայտ ներկայացվել է ֆիզիկական անձ ներդրողներից, ինչը խոսում է Բանկի ներկայացված ֆինանսական գործիքների հանդեպ բարձր պահանջարկի, ինչպես նաև Գլոբբինգի նկատմամբ վստահության մասին:

Տեղաբաշխման ավարտից հետո պարտատոմսերը ցուցակման կներկայացվեն Հայաստանի ֆոնդային բորսա։

Բանկը նպատակ ունի շարունակել իրականացնել կորպորատիվ արժեթղթերի թողարկումներ և տեղաբաշխումներ՝ նպաստելով ֆինանսական շուկայի գործիքների զարգացմանը, ինչպես նաև հաճախորդների համար տարբեր ընկերությունների պարտատոմսերում ներդրումներ, իսկ թողարկող ընկերությունների համար՝ ֆինանսավորման ներգրավման նոր հնարավորություններ ստեղծելով։

Կոնվերս Բանկը վերահսկվում է ՀՀ կենտրոնական բանկի կողմից։

*գովազդ