Հայաստանում բենզինի և դիզվառելիքի գները շարունակվում են նվազել․ Պապոյան

Դիզվառելիքի դեպքում ևս արձանագրվել է էական նվազում։

Հայաստանում բենզինի և դիզվառելիքի գները շարունակում են նվազման միտումը։ Այս մասին Ֆեյսբուքի իր էջում գրել է ՀՀ էկոնոմիկայի նախարար Գևորգ Պապոյանը։

Նրա հրապարակած տվյալների համաձայն՝ բենզինի մեկ լիտրի գինը դեկտեմբերի սկզբին կազմել է 510 դրամ, մինչդեռ ներկայում այն վաճառվում է շուրջ 430 դրամով։ Այսպիսով, գնի նվազումը կազմել է 80 դրամ կամ մոտ 15,7 տոկոս։

Դիզվառելիքի դեպքում ևս արձանագրվել է էական նվազում։ Դեկտեմբերի սկզբին մեկ լիտրի գինը կազմել է 480 դրամ, իսկ այժմ այն հասել է 410 դրամի։ Տարբերությունը կազմում է 70 դրամ կամ շուրջ 14,6 տոկոս։

Գևորգ Պապոյանը տեղեկացրել է նաև, որ բենզալցակայանների խոշոր ցանցերից մեկը, որը ձեռք է բերել ադրբեջանական նավթամթերք, մոտակա օրերին ևս կսկսի այդ վառելիքի վաճառքը՝ ավելի ցածր գներով։