ՀՀ-ում սուր շնչառական վարակների ակտիվությունը 2026 թվականի 4-րդ շաբաթում մնացել է ցածր մակարդակում

Հիվանդացությունը նախորդ շաբաթվա համեմատ նվազել է 1.1 անգամ։

2026 թվականի 4-րդ շաբաթվա ընթացքում Հայաստանի Հանրապետությունում արձանագրվել է սուր շնչառական վարակներով պայմանավորված հիվանդացության ցածր ակտիվություն։ Այդ մասին տեղեկացնում է Հիվանդությունների վերահսկման և կանխարգելման ազգային կենտրոնը։

Կենտրոնի տվյալներով՝ հիվանդացությունը նախորդ շաբաթվա համեմատ նվազել է 1.1 անգամ, իսկ 2025 թվականի նույն ժամանակահատվածի համեմատ ցածր է եղել 2.1 անգամ։

Հիվանդացության կառուցվածքում գրեթե 75.4 տոկոսը կազմել են 0–18 տարեկանները։ Առավել բարձր ցուցանիշը շարունակել է արձանագրվել 0–4 տարեկան երեխաների շրջանում։

Հաղորդագրության համաձայն՝ Հայաստանի Հանրապետությունում շարունակում են շրջանառվել գրիպ Ա տեսակի H3N2 և H1pdm09 ենթատեսակի հարուցիչները։

Միաժամանակ արձանագրվել է նաև այլ շնչառական վարակների շրջանառություն, այդ թվում՝ ռինովիրուսի, շնչառական սինցիտիալ վիրուսի (RSV), պարագրիպի, բոկավիրուսի և ադենովիրուսի հարուցիչները։

Տվյալները ցույց են տալիս, որ հիվանդացության ընդհանուր մակարդակը պահպանվում է ցածր, սակայն երեխաները շարունակում են մնալ առավել ընդգրկված տարիքային խումբը։