ԲՏԱ ոլորտում ընկերությունների թիվը հասել է 10,778-ի

Ցուցանիշը զգալիորեն աճել է՝ 2024 թվականի դեկտեմբերի 8,072 ընկերության համեմատ։

2025 թվականին Հայաստանում բարձր տեխնոլոգիաների ոլորտում գործունեություն է ծավալել 10,778 ընկերություն։ Այս մասին ԱԺ-ում հայտնել է Բարձր տեխնոլոգիական արդյունաբերության նախարար Մխիթար Հայրապետյանը։

Ցուցանիշը զգալիորեն աճել է՝ 2024 թվականի դեկտեմբերի 8,072 ընկերության համեմատ։

Միաժամանակ աճել է նաև ոլորտի տնտեսական ակտիվությունը։ 2025 թվականին բարձր տեխնոլոգիաների ոլորտի շրջանառությունը կազմել է շուրջ 1 տրլն 207 մլրդ դրամ՝ 2024 թվականի 942 մլրդ դրամի դիմաց։

Տվյալները ցույց են տալիս, որ ոլորտում աճը պայմանավորված է ինչպես նոր ընկերությունների մուտքով, այնպես էլ գործող բիզնեսների ծավալների ընդլայնմամբ։

Բարձր տեխնոլոգիաների ոլորտի ընդլայնումը արտացոլում է տնտեսության կառուցվածքային փոփոխությունները՝ դեպի բարձր ավելացված արժեք ստեղծող ճյուղերի զարգացում։