Արգենտինան դուրս է գալիս ԱՀԿ-ից. որն է պատճառը

Արգենտինան երկրորդ երկիրն է, որը դուրս է գալիս կազմակերպությունից։

Արգենտինան պաշտոնապես դուրս է եկել Առողջապահության համաշխարհային կազմակերպությունից (ԱՀԿ)։ Որոշումն ուժի մեջ է մտել մարտի 17-ին՝ մեկ տարի առաջ ներկայացված ծանուցումից հետո։

Այս մասին հայտարարել է երկրի արտաքին գործերի նախարար Պաբլո Կիռնոն։

Նրա խոսքով՝ Արգենտինան շարունակելու է համագործակցությունը առողջապահության ոլորտում՝ երկկողմ համաձայնագրերի և տարածաշրջանային ձևաչափերի միջոցով՝ պահպանելով քաղաքական ինքնուրույնությունը։

Կառավարությունը որոշումը հիմնավորել է COVID-19 համավարակի ընթացքում ԱՀԿ-ի քաղաքականության հետ անհամաձայնությամբ։

Արգենտինան երկրորդ երկիրն է, որը դուրս է գալիս կազմակերպությունից․ ավելի վաղ նման քայլ էր կատարել Միացյալ Նահանգները։

Տվյալների համաձայն՝ ԱՄՆ-ի դուրս գալուց հետո ԱՀԿ-ում ձևավորվել է ֆինանսական պակասուրդ, իսկ կազմակերպությունը սկսել է ծախսերի կրճատման գործընթաց։

Ակնկալվում է, որ մինչև տարվա վերջ ԱՀԿ-ում կարող է կրճատվել աշխատակիցների մոտ 25%-ը։

Այս զարգացումները ցույց են տալիս, որ խոշոր դոնոր երկրների դուրս գալը ազդում է կազմակերպության ֆինանսական և կառավարման կարողությունների վրա։