9 ամսում ՀՀ տնտեսական ակտիվության ցուցանիշն աճել է 14.1 տոկոսով Այս տարվա սեպտեմբերին Հայաստանի տնտեսական ակտիվության ցուցանիշն աճել է 14.6 %-ով, իսկ 2022 թ. առաջին ինը ամսում` 14.1 %-ով: Էկոնոմիկայի նախարար Վահան Քերոբյանը ֆեյսբուքում հիշեցրել է, որ Հայաստանի լավագույն ՀՆԱ իրական աճը եղել է 2003 թ., երբ արձանագրվել է 14% ՀՆԱ աճ: Նշենք, որ այս տարվա 9 ամսվա ընթացքում արդյունաբերությունն աճել է 10 տոկոսով, շինարարությունը` 14,3 տոկոսով, առեւտուրը` 14,5 տոկոսով, ծառայությունների ոլորտը` 27,1 տոկոսով, սպառողական ինդեքսն աճել է 8,6 տոկոսով: Իսկ ահա գյուղատնտեսությունը նվազել է 0,7 տոկոսով: Արտաքին առեւտրաշրջանառությունն աճել է 62,5 տոկոսով: Արտահանումն աճել է 63,8 տոկոսով, ներմուծումը` 61,6 տոկոսով: