ՏԿԵ նախարարության ծրագրերի համար նախատեսված է 298 միլիարդ 627 միլիոն դրամ ֆինանսավորում Հաջորդ տարի տարածքային կառավարման և ենթակառուցվածքների նախարարության բոլոր ծրագրերի համար նախատեսված է 298 միլիարդ 627 միլիոն դրամ ֆինանսավորում, որը 2022 թվականի ճշտված բյուջեի նկատմամբ ավելի է մոտ 30 միլիարդ դրամով: Ֆինանսների նախարար Տիգրան Խաչատրյանը տեղեկացրել է, որ 2021 թվականին փաստացի ծախսը կազմել է 201 միլիարդ 372 միլիոն դրամ: Բարձր տեխնոլոգիական արդյունաբերության նախարարության համար նախատեսված է 14 միլիարդ 495 միլիոն դրամ: Իսկ Հանրային ծառայությունները կարգավորող հանձնաժողովի համար՝1 միլիարդ 109 միլիոն դրամ: