Twitter-ի աշխատակիցներին, զանգվածային կրճատումների մտավախության պայմաններում, հանձնարարվել է տպել իրենց նախկինում գրած ծածկագրի պատճենները, որպեսզի անհրաժեշտության դեպքում կարողանան ապացուցել մասնագետների պահանջարկը։ Այս մասին գրում է The New York Times-ը ՝ հղում անելով ծանոթ աղբյուրներին։ «Աշխատանքների կրճատման մտավախությունների ֆոնին Twitter-ի որոշ աշխատակիցների հանձնարարվել է տպել կոդի պատճենները, որոնք նրանք վերջերս գրել են որպես աշխատանքի հնարավոր ապացույց», - ասվում է գրառման մեջ: Միևնույն ժամանակ հոդվածում նշվում է, որ ընկերության որոշ աշխատակիցներ, ըստ նրանց, ծանուցումներ չեն ստանում, հետևաբար հիմնվում են լուրերի վրա։ Բացի այդ, հրապարակման աղբյուրները պնդում են, որ Twitter-ը «կոդերի սառեցում» է անցկացրել ՝ հավելվածում փոփոխությունները կանխելու համար։ Ավելի վաղ Verge-ը հայտնել էր, որ արկղերով մարդիկ, որոնց տեսել են ԱՄՆ-ում Twitter-ի շենքի մոտ, կարող են ձևանալ, թե իրենց աշխատանքից ազատված աշխատակիցներ են։