Փետրվարի վերջից մինչև սեպտեմբերի վերջ ԱՄԷ-ում իրենց ներկայացուցչությունները բացեցին ռուսական մոտ 700 ձեռնարկություններ։ Անցած տարվա տվյալների համեմատ ցուցանիշն աճել է 5-7 անգամ,- մեջբերում է «Известия» թերթը արաբական երկրում «Բիզնես Ռուսաստանի» բիզնես-դեսպան Մաքսիմ Զագորնովի խոսքերը։
«Նախնական տվյալներով ՝ ԱՄԷ-ում ռուսական ընկերությունների թիվը 2021 թվականի համեմատ աճել է հինգից յոթ անգամ։ Փետրվարի վերջից մինչև սեպտեմբերի վերջ մոտ 700 ռուսական ձեռնարկություն իրավաբանական անձ է գրանցել ԱՄԷ-ում»,- ասել է Զագորնովը։ Նրա խոսքով, ներկայումս արաբական երկրում մասնաճյուղեր բացելու հետաքրքրություն են ցուցաբերում հիմնականում փոքր և միջին բիզնեսը։ Սակայն խոշոր կազմակերպությունները գրանցում են իրենց ներկայացուցչությունները ԱՄԷ-ում։ Միաժամանակ Առևտրաարդյունաբերական պալատից պարզաբանել են, որ ԱՄԷ-ում մասնաճյուղեր բացում են հիմնականում ՏՏ ընկերությունները։
BGP Litigation իրավաբանական ընկերության խորհրդատու Դենիս Շուշինի խոսքով, Էմիրություններում բնակությունը ռուսներին թույլ է տալիս բանկային և բրոքերային հաշիվներ բացել ԱՄԷ-ից դուրս, ինչպես նաև հեշտությամբ բիզնես վարել ԱՄՆ-ում և ԵՄ-ում: Այսպիսով, ռուսական ընկերությունները փաստացի շրջանցում են միջազգային պատժամիջոցները։
