Doing Digital Forum 2025. Ապագայի փողն ու դրա տնտեսական ազդեցությունը. դիտեք ABNews.am կայքում
Զորակոչից խուսափելու համար պատիժները կխստացվեն. ինչ է առաջարկում կառավարությունը. մանրամասները՝ ABNews.am կայքում
ԱՄՆ-ն հարկադրված կլինի ռազմական ծախսերը հասցնելու ՀՆԱ-ի 5%-ի. Ռուբիո
Թրամփի մաքսատուրքերը՝ դոլարի անկման պատճառ. ինչ հետևանքներ սպասել. մանրամասները՝ ABNews.am կայքում
Մյանմարում երկրաշարժի զոհերի թիվը հասել է 3085-ի
Թրամփը 10%-անոց մաքսատուրքեր է սահմանել բոլոր ապրանքների համար և ավելի բարձր՝ 60 երկրների համար. ՀՀ-ի համար այն 10% է. մանրամասները՝ ABNews.am կայքում
Ինչու է ջրի կառավարման հարցը Հայաստանում մնում անլուծելի․ վերլուծություն. մանրամասները՝ ABNews.am կայքում
Նոր մրցանակ Evoca-ին՝ լավագույն ՓՄՁ բանկը Հայատանում 2025. մանրամասները՝ ABNews.am կայքում
OpenAI-ն 40 միլիարդ դոլարի նոր ֆինանսավորմամբ ընդլայնում է AI հետազոտությունները. մանրամասները՝ ABNews.am կայքում
Հայաստանում խուլիգանության դեպքերն աճել են 17.2%-ով․ Երևանում նվազել են, մարզերում՝ ավելացել
Հայաստանում կիբեր գողության դեպքերն աճել են 25%-ով
2025-ի առաջին եռամսյակում հարկային եկամուտներն ու պետական տուրքերն աճել են 13.2%-ով. ՊԵԿ
Փետրվարին ԵՄ-ում գործազրկությունը հասել է 5.7%-ի
Վճարիր Evoca Mastercard-ով և մասնակցիր մեքենայի խաղարկությանը. մանրամասները՝ ABNews.am կայքում
Հայաստանում շուտով նոր տեսակի անձնագրեր կտրամադրվեն. ինչ պետք է իմանալ. մանրամասները՝ ABNews.am կայքում
Իդրամն արդեն Yerevan City-ում է. մանրամասները՝ ABNews.am կայքում
Երևանում այս տարի 10 հա-ից ավելի տարածքում կհիմնվեն ուրբան այգիներ. ԱՐՄԵՆՊՐԵՍ. մանրամասները՝ ABNews.am կայքում
Ոչ ամեն բիզնես է լավ բիզնես. ինչպես տարբերել եկամտաբեր գաղափարը ֆինանսական «փոսից». մանրամասները՝ ABNews.am կայքում
Հոբելյանական 5-րդ TOON EXPO-ն Մոսկվայում. հունիսի 27-29. դիտեք ABNews.am կայքում
Toyota ավտոմեքենաների համաշխարհային վաճառքը փետրվարին աճել է 9,5%-ով

Կուտակային կենսաթոշակային համակարգի մասնակիցների միջոցներն աճում են. Ցե-Կվադրատ Ամպեգա

Հնվ 26, 2024 16:54
102

Ցե-Կվադրատ Ամպեգայի կողմից կառավարվող կենսաթոշակային ֆոնդերը 2023 թվականն ամփոփել են էական բարձր երկնիշ եկամտաբերությամբ

Ցե-Կվադրատ Ամպեգայի կողմից կառավարվող բոլոր երեք կենսաթոշակային ֆոնդերը 2023 թվականը ամփոփել են էական բարձր երկնիշ տարեկան եկամտաբերությամբ։ Հավասարակշռված ֆոնդը (CQBAL) իր 16.5% եկամտաբերությամբ  ունեցել է պարտադիր կուտակային կենսաթոշակային համակարգում գործող բոլոր վեց ֆոնդերից ամենաբարձր եկամտաբերությունը։ Համապատասխանաբար՝ Կայուն եկամտայինը (CQFIX) և Պահպանողականը (CQCON) ունեցել են 126% և 16.3% եկամտաբերություն։ Սա նշանակում է, որ մասնակիցների կենսաթոշակային կուտակումների արժեքն աճել է համապատասխանաբար՝ կախված, թե որ ֆոնդում են կուտակվում մասնակցի միջոցները։

Եկամտաբերության նման արդյունքները պայմանավորված են եղել հետևյալ գործոններով՝

  • տեղական շուկայում, պահպանվել է գնաճային ցածր միջավայրը, տոկոսադրույքները նվազել են, ինչի շնորհիվ տեղական ակտիվները տարին ամփոփել են էական բարձր արդյունքներով։
  • Նմանատիպ զարգացումներ եղել են նաև համաշխարհային շուկաներում, ինչի արդյունքում միջազգային բաժնային և պարտքային ակտիվներ ևս 2023 թվականն ամփոփել են դրական արդյունքներով։

Հաշվի առնելով, որ կենսաթոշակային  ֆոնդերն ունեն երկարաժամկետ ներդրումային հորիզոն՝ ֆոնդերի կատարողականի վերաբերյալ ավելի ամբողջական պատկեր ունենալու համար անդրադառնանք ֆոնդերի եկամտաբերության երկարաժամկետ ցուցանիշներին։ Ստեղծման պահից ֆոնդերն ունեցել են 106-113% եկամտաբերություն։

2023թ․ դեկտեմբերի վերջի դրությամբ Ցե-Կվադրատ Ամպեգայի կողմից կառավարվող կենսաթոշակային ակտիվների մեծությունը կազմել է 383 միլիարդ ՀՀ դրամ, որից շուրջ 75 միլիարդ ՀՀ դրամը ձևավորվել է Ցե-Կվադրատ Ամպեգայի ապահոված եկամտաբերության շնորհիվ։

Այս տարի լրանում է պարտադիր կուտակային կենսաթոշակային համակարգի ներդրման 10 տարին։ Այս 10 տարիների ընթացքում համակարգը կայացել է, իսկ Ցե-Կվադրատի կողմից կառավարվող կեսաթոշակային ֆոնդերը գրանցել են կայուն աճ, ինչն էլ հնարավորություն է տվել Ցե-Կվադրատին 0․15 տոկոսային կետով նվազեցնել ֆոնդերի կառավարման համար գանձվող տարեկան վճարը։ Կարևոր այս փոփոխությունը, այլ հավասար պայմաններում, շուրջ 4%-ով կավելացնի ապագա կենսաթոշակառուների ամսական կենսաթոշակը։ Եթե ֆոնդերի եկամտաբերության վերջին 10 տարիների ցուցանիշները պահպանվեն ապագայում, ապա այս պահին միջին աշխատավարձ ստացող քաղաքացիները 40 տարի կուտակելուց հետո, ակնկալվում է, որ կստանան իրենց վերջին աշխատավարձի շուրջ 75%-ի չափով կենսաթոշակ։

* Կարևոր է, սակայն, նշել, որ նման հաշվարկները բավական զգայուն են դրանց հիմքում ընկած ենթադրությունների նկատմամբ։ Վերոնշյալ հաշվարկներն իրականացվել են՝ հիմք ընդունելով միջին ցուցանիշներ, օրինակ՝ միջին աշխատավարձ (265,000), միջին գնաճ (4%), աշխատավարձի միջին աճ (5%), եկամտաբերություն (775%) և այլն։

Ցե-Կվադրատ Ամպեգան, որպես կենսաթոշակային ֆոնդերի կառավարիչ, խրախուսում է մասնակիցներին հետևել ֆոնդերի գործունեությանը և լինել տեղեկացված որպեսզի հնարավոր լինի իրազեկ ընտրություն կատարել կենսաթոշակային ֆոնդի հարցում։

Հիշեցնենք, որ կենսաթոշակային ֆոնդը կարող եք ընտրել ինչպես Կենսաթոշակային հաշվի օպերատորներին այցելության միջոցով, այնպես էլ առցանց՝ Կենտրոնական դեպոզիտարիայի  Իմ Հաշիվը հավելվածի, ԱրՔա կամ Կոնվերսբանկի հավելվածների միջոցով։ __________________________________

ՑեԿվադրատ Ամպեգա Ասեթ Մենեջմենթ Արմենիա ընկերության մասին՝

Ցե-Կվադրատ Ամպեգա Ասեթ Մենեջմենթ Արմենիա ընկերությունը կենսաթոշակային և ներդրումային ֆոնդերի կառավարիչ ընկերություն է, որի նպատակը Հայաստանում միջազգային լավագույն փորձին համահունչ ակտիվների կառավարման բարձրակարգ ծառայությունների մատուցումն է։ Ընկերությունը կառավարում է ավելի քան 400 միլիարդ ՀՀ դրամ արժողությամբ կենսաթոշակային և ներդրումային ֆոնդերի ակտիվներ շուրջ 360 հազար մասնակիցների համար։

Ցե-Կվադրատ Ամպեգա Ասեթ Մենեջմենթ Արմենիա ընկերությունը հիմնադրվել է 2013 թվականին և հանդիսանում է ավստրիական «Ցե-Կվադրատ» ներդրումային ընկերության և գերմանական «Ամպեգա ասեթ մենեջմենթ», «Տալանքս ԱԳ գրուփի» անդամ ընկերության համատեղ ձեռնարկություն։