Ինչպես են ձեր որոշումները ազդում ձեր ենթագիտակցության վրա. գիտական բացատրություն. մանրամասները՝ ABNews.am կայքում
BRICS-ի երկրները հրաժարվել են փոխարինել դոլարը՝ 150% մաքսատուրքերի սպառնալիքի պատճառով. Դոնալդ Թրամփ
Եգիպտոսում վերջին 1 դարում առաջին անգամ փարավոնի դամբարան է հայտնաբերվել
Ապահովագրական ընկերությունները մեկ օրում ավելի քան 1000 վթար են գրանցել
ՀՀ–ում ԱՊՊԱ պայմանագրեր սպասարկող ընկերությունները 1 օրում ավելի քան 1000 վթար են գրանցել
Թրամփի անվամբ թողարկված կրիպտոարժույթը երկու շաբաթում փոխեց շուկան. ինչ դասեր են քաղում ներդրողները. մանրամասները՝ ABNews.am կայքում
2024-ին Թբիլիսիում վաճառվել է ավելի քան 40.3 հազար բնակարան
Evocabank-ի «Հանրապետության» մասնաճյուղն արդեն բաց է. մանրամասները՝ ABNews.am կայքում
Անկարայում հինգ օրվա ընթացքում երկրորդ երկրաշարժն է տեղի ունեցել
Չինաստանում չղջիկների մոտ կորոնավիրուսի նոր տեսակ են հայտնաբերել
Մայրենի լեզվի օրը ԱրարատԲանկն ամփոփեց Մատենադարանի հետ բացառիկ ծրագրի արդյունքները. մանրամասները՝ ABNews.am կայքում
Երևանում ձյան շերտի բարձրությունը հասել էր 40-50 սմ-ի
Ինչպես աշխատել արտասահմանյան ընկերությունների հետ՝ առանց երկիրը լքելու. մանրամասները՝ ABNews.am կայքում
Հայաստանի տնտեսությունը 2024թ․ գրանցել է 5.9% աճ. ՀՆԱ-ն հասել է 10.13 տրլն դրամի
ԵՄ 27 երկրների դեսպանները հաստատել են ՌԴ-ի դեմ պատժամիջոցների 16-րդ փաթեթը
Կոնվերս բանկի հաջողության պատմությունը` Ֆիլիպ Կոտլերի «Ժամանակակից մարքեթինգի հիմունքներ» գրքում. դիտեք ABNews.am կայքում
2025-ի հունվարին Վրաստանի ապրանքաշրջանառությունն աճել է 39.3%
Եվրոպական կենտրոնական բանկի տարեկան վնասը հասել է ռեկորդային 7,9 մլրդ եվրոյի
SpaceX-ի նոր ռեկորդը. Falcon 9-ը արձակվեց մեկ երկրից, վայրէջք կատարեց մեկ այլում. մանրամասները՝ ABNews.am կայքում
Թուրքիան մտադիր է Ուկրաինայի հետ առևտրի ծավալները հասցնել 10 մլրդ դոլարի

«Աշխարհն առանց թափոնների». Երևանի ևս 30 դպրոցներ տեսակավորում են թափոնները

Նյմ 20, 2023 17:29
182
ADS

Երևանի Ռուբեն Միրոյանի անվան թիվ 77 հիմնական դպրոցում տեղի ունեցավ «Աշխարհն առանց թափոնների» ծրագրի ընթացիկ միջոցառումը: Ծրագիրն իրականացվում է «Կոկա-Կոլա Հելլենիկ Բոթլինգ Քամփնի Արմենիա»-ի, Երևանի քաղաքապետարանի և «Այ Էս Էս Դի» Համայնքների կայուն զարգացման նորարարական լուծումներ» հասարակական կազմակերպության միջև 2023 թվականին ստորագրված փոխըմբռնման հուշագրի շրջանակում։

Ծրագիրը միտված է բարձրացնել թափոնների կառավարման համակարգերի վերաբերյալ իրազեկվածության մակարդակը դպրոցականների շրջանակում: Աշակերտների մոտ թափոնների տեսակավորման մշակույթի ձևավորումը կարևոր նշանակություն ունի երեխա-ծնող հետադարձ կապի ձևավորման, տեղեկատվության փոխանցման, հետագայում նաև վերջիններիս մոտ վարքագծի փոփոխության տեսանկյունից։

«Աշխարհն առանց թափոնների» հայեցակարգը «Կոկա-Կոլա ՀԲՔ Արմենիա» ընկերության կորպորատիվ սոցիալական պատասխանատվության առանցքային ուղղություններից մեկն է: Հիմնվելով նախորդ տարիների ծրագրին մասնակից դպրոցների դրական արձագանքի և արդյունքների վրա՝ այս տարի, ի լրումն նախորդ տարիներին միացած 120 դպրոցների, ծրագրում ներգրավվել են Երևանի ևս 30 դպրոցներ, որտեղ տեղադրվել են տեսակավորման ամաններ ու շարունակաբար անցկացվում են վերապատրաստման դասընթացներ թե՛ աշակերտների, թե՛ ուսուցիչների համար։ Մենք մեր պարտքն ենք համարում այս կարևոր ծրագրի շրջանակում նպաստել թափոնների կայուն կառավարման մշակույթի ձևավորմանը, ինչն էլ սկսում ենք հենց դպրոցից»,- նշեց «Կոկա-Կոլա ՀԲՔ Արմենիա» ընկերության Մարքեթինգի տնօրեն Եսայի Մելիք-Յոլչյանը։

«Երևանի քաղաքապետարանը կարևորում է թափոնների կայուն կառավարման հիմնահարցերը շրջանաձև տնտեսության համատեքստում և այդ ուղղությամբ մի շարք աշխատանքներ է իրականացնում։ Կարևորվում է իրազեկվածության բարձրացմանն ուղղված աշխատանքները հատկապես դպրոցահասակ երեխաների շրջանում։ Երևանի քաղաքապետարանի աջակցությամբ իրականացվում է «Աշխարհն առանց թափոնների ծրագիրը», որի նպատակն է դպրոցականների մոտ կրթական ծրագրերի իրականացման միջոցով թափոնների տեսակավորման մշակույթի ձևավորումը։

Երևանի քաղաքապետարանի կողմից Երևան քաղաքում 2020 թվականից իրականացվում են թափոնների տեսակավորման աշխատանքներ, որը ներդրվելով որպես պիլոտային ծրագիր, տարեցտարի ընդլայնվում է։ Այդ նպատակով ավելացվում են տեսակավորման թափոնամանների թիվը, տեղակայման հասցեները, հավաքվող թափոնների տեսակները։ Ձեռք ենք բերում նոր տեխնիկաներ՝ տեսակավորման աշխատանքները ավելի արդյունավետ իրականացնելու համար։
Թափոնների տեսակավորումը կարևորվում է ոչ միայն Երևան քաղաքի, այլ ողջ հանրապետության համար, քանի որ այդպիսով կանխվում է շրջակա միջավայրի աղտոտումը, կրճատվում է աղբավայրերում կուտակվող աղբի քանակը»,-նշեց Երևանի քաղաքապետարանի բնապահպանության վարչության պետ Սիրարփի Հայկազյանը:

«2021 թվականին «Աշխարհն առանց թափոնների» ծրագրի արդյունքներն ապացուցեցին, որ թափոնների կայուն կառավարման մշակույթի ձևավորման, ինչպես նաև շրջանաձև տնտեսության կարևորության համար անհրաժեշտ է մեծ ուշադրություն դարձնել երիտասարդ սերնդի կրթական նոր հնարավորությունների ստեղծման վրա: Ծրագրի շրջանակում իրականցվում է նաև մրցույթ մասնակից դպրոցների միջև, որի հիմնական նպատակն է խրախուսել աշակերտներին, որպեսզի տեսակավորեն/վերամշակեն/վերօգտագործեն առավել մեծ քանակությամբ թղթե և պլաստիկե թափոններ», — նշեց ծրագրի գործընկեր, «Այ Էս Էս Դի» Համայնքների կայուն զարգացման նորարարական լուծումներ» հասարակական կազմակերպության համահիմնադիր-նախագահ Մխիթար Ավետիսյանը:
Երևանի Ռուբեն Միրոյանի անվան թիվ 77 հիմնական դպրոցի տնօրեն Նարա Պետրոսյանը նշեց, որ սովորողների մեջ շրջակա աշխարհի հետ բարեկիրթ փոխհարաբերության մշակույթի ձևավորման գլխավոր դերակատարը կրթությունն է:

Այս գործընթացում դպրոցը կարևոում է մշակույթի նոր տիպի` էկոլոգիական մշակույթի կրողի կրթությունը: Էկոլոգիական մշակույթը դա անձի ճիշտ կրթության և դաստիարակության արդյունք է, Էկոլոգիական մշակույթին տիրապետող մարդը առանձնանում է ոչ միայն իր արտաքին աշխարհով, այլև իր ներաշխարհով: Նա իր մեջ փնտրում և գտնում է էկոլոգիական հիմնախնդիրների պատասխանները, իմաստավորում է բնության արժեքները . այդ մշակույթը, անշուշտ, մարդասիրական ուղղվածություն ունի:

Այսպիսով, Երևանի արդեն 150 դպրոցներ տարածում են թափոնների կառավարման նոր մշակույթ՝ տեսակավորման ուղարկելով հազարավոր կիլոգրամ թափոն յուրաքանչյուր ամիս: