Իրանն առաջարկել է ռուսական գազի մատակարարումները սկսել մինչև տարեվերջ. РИА Новости Իրան ռուսական գազի փոխանակման մատակարարումները կարող են սկսվել մինչև այս տարվա վերջ, այս հարցի լուծումը կախված է միայն Մոսկվայից։ Այս մասին հայտարարել է Իսլամական Հանրապետության նավթի փոխնախարար Ահմադ Ասադզադեն,- փոխանցում է РИА Новости-ն։ Փոխնախարարը պարզաբանել է, որ Ռուսաստանը պետք է համաձայնեցնի այդ հարցը Թուրքմենստանի հետ, որով վառելիքը մղվելու է, իսկ իրանական ենթակառուցվածքները հարյուր տոկոսով պատրաստ են դա ընդունել։ Մինչ այս ՌԴ փոխվարչապետ Ալեքսանդր Նովակն առաջարկել էր, որ Իրանի հետ սվոպ համաձայնագիրը կարող է ներառել տարեկան մինչև հինգ միլիոն տոննա նավթ և մինչև տասը միլիարդ խորանարդ մետր գազ։ Իրանը նավթի և գազի սեփական պաշարներ ունի, ուստի վերլուծաբաններն ասում են, որ գործարքն ավելի շատ քաղաքական է, քան էներգետիկ: Դա քիչ ազդեցություն կունենա էներգառեսուրսների վաճառքից Ռուսաստանի եկամուտների աճի վրա, սակայն կամրապնդի երկկողմ հարաբերությունները բարեկամական ռեժիմի հետ։ Միաժամանակ PF Capital-ի գլխավոր տնտեսագետ Եվգենի Նադորշինը նշել է, որ գազը Իրան կգնա շատ ավելի էժան, քան Եվրոպա, հակառակ դեպքում Թեհրանը վառելիքի կարիք չի ունենա։ Ավելի վաղ հաղորդվում էր, որ Թուրքիան սկսել է կրճատել Ռուսաստանից գազի մատակարարումները հօգուտ Իրանի և Ադրբեջանի։ Հուլիսին ռուսական վառելիքի ներմուծումը տարեկան կտրվածքով նվազել է 37,2 տոկոսով, իսկ մրցակիցներից գնումներն աճել են համապատասխանաբար 37,5 և 31,5 տոկոսով։