Բաքվում շարունակվում է Արցախի նախկին ղեկավարների դատավարությունը
Բաքվի դատարանում շարունակվել է Արցախի նախկին ռազմաքաղաքական ղեկավարների և մյուս հայ գերիների գործով շինծու դատավարությունը։ Նիստին լսվել են դատախազների մեղադրական ելույթները, ներկայացվել են «ապացույցներ» Արցախի նախկին նախագահ Արայիկ Հարությունյանի դեմ։
Հայ և չեխ երկրպագուների միջև միջադեպ Երևանում
«Նոա»–«Սիգմա» խաղի ընթացքում հայ և չեխ երկրպագուների միջև կոնֆլիկտ է տեղի ունեցել․ նրանք աղբամաններ են նետել իրար վրա։ Դեպքը տեղի է ունեցել Կոնֆերենցիաների լիգայի խմբային փուլի երրորդ տուրի ժամանակ։
Ալիևը հայտարարում է՝ ադրբեջանական բանակը կհամապատասխանի ՆԱՏՕ-ի չափանիշներին
Ադրբեջանի նախագահ Իլհամ Ալիևը հայտարարել է, որ Բաքուն սերտորեն համագործակցում է թուրքական բանակի հետ՝ ՆԱՏՕ-ի չափանիշներին համապատասխանելու նպատակով։ Նա ընդգծել է, որ «Ադրբեջանի անվտանգությունը երաշխավորված է պետության, ժողովրդի և զինված ուժերի կողմից»։
Վարդան Հարությունյանը՝ տնային կալանքի տակ
Դատարանը ՊԵԿ նախկին նախագահ Վարդան Հարությունյանի նկատմամբ երկու ամսով տնային կալանք է կիրառել։ Նա մեղադրվում է ապօրինի ձեռնարկատիրական գործունեության, հակամրցակցային վարքի և փողերի լվացման մեջ։ Քննությունը կապված է 2018թ. «Նորֆոլկ Քոնսալթինգ» գործի հետ։
ԱՄՆ-ը չի թույլատրի Gunvor-ին գնել «Լուկօյլ»-ի արտասահմանյան ակտիվները
ԱՄՆ ֆինանսների նախարարությունը արգելել է Gunvor-ին գնել «Լուկօյլ»-ի արտասահմանյան ակտիվները, քանի դեռ շարունակվում է Ուկրաինայի պատերազմը։ ԱՄՆ գանձապետարանը որոշումն ընդունել է Թրամփի վարչակազմի դիրքորոշման հիման վրա։
Թրամփը ներկայացրել է TRIPP նախաձեռնությունը՝ խաղաղության և բարգավաճման ուղին
Սպիտակ տնից ուղիղ եթերով C5+1 հանդիպման ժամանակ Դոնալդ Թրամփը հիշատակել է TRIPP նախաձեռնությունը՝ միջազգային խաղաղության և բարգավաճման ուղին։ Նրա խոսքով՝ նախագիծը կանցնի աշխարհի ռազմավարական շրջաններով և կօգնի զարգացնել Կասպից ծովի տարածաշրջանի տնտեսությունները։
