Ուկրաինական եգիպտացորենով երեք բեռնանավ դուրս են եկել Օդեսայի նավահանգիստներից

Եգիպտացորենով բեռնված Polarnet, Rojen և Navistar բեռնանավերը դուրս են եկել Օդեսայի մարզի նավահանգիստներից և ուղևորվել են Ստամբուլ, հայտնում է  Թուրքիայի պաշտպանության նախարարությունը։ ՄԱԿ-ն էլ տեղեկացրել է, որ համատեղ համակարգող կենտրոնը թույլ է տվել այդ նավերին ծով դուրս գալ ուրբաթ օրը: Polarnet-ը տեղափոխում է 12000 տոննա եգիպտացորեն, Rojen-ը ՝ 13041 տոննա, Navistar-ը ՝ 33000 տոննա։

Նավերը նախ զննություն կանցնեն Ստամբուլի համակարգող կենտրոնում, ապա կշարունակեն ճանապարհը տարբեր ուղղություններով Polarnet-ը ՝ թուրքական Կարասու քաղաք, Rojen-ը և Navistar-ը, համապատասխանաբար, բրիտանական և իռլանդական նավահանգիստներ։