Մայիսի 12-ին Դուշանբեում Ռուսաստանի ԱԳ նախարարի հետ հանդիպմանը Հայաստանի արտգործնախարար Արարատ Միրզոյանը հայտարարեց, որ պայմանավորվածություն է ձեռք բերվել մայիսի 16-ին և 17-ին Մոսկվայում կոմունիկացիաների, զուգահեռաբար նաև՝ սահմանազատման և սահմանագծման հարցերով հայ-ադրբեջանական երկկողմ հանդիպման կազմակերպման մասին: Ուշագրավ է, որ այս հայտարարությունից հետո ադրբեջանական կողմն անուղղակիորեն՝ մերձիշխանական ԶԼՄ- երի միջոցով, հերքեց այս տեղեկատվությունը: Ըստ էության, կկայանա նման հանդիպում, թե ոչ՝ պարզ կդառնա արդեն այս երկու օրերի ընթացքում: Բայց առավել հետաքրքիր է ստեղծված իրավիճակը՝ հայկական կողմը պնդում է, որ համաձայնել են հանդիպել, այն էլ միանգամից թե՛ դեմարկացիա-դելիմիտացիայի, թե՛ կոմունիկացիաների բացման հարցերի շուրջ, իսկ ադրբեջանական կողմը, թեև ոչ պաշտոնապես, բայց հերքում է:
Ընդհանուր առմամբ բավական լարված, բավական սուր իրավիճակի հետ գործ ունենք և ունենք մի շարք հարցեր, որոնց պատասխաններն այսօր առավել քան ակտուալ ու կարևոր են:
«Հայացք» վելուծական կենտրոնի փորձագետ Հերմինե Մխիթարյանի անդրադարձը ՀՀ-Ադրբեջան շփումներում եղած վերջին զարգացումների վերաբերյալ:
Մանրամասները՝ տեսանյութում.
