Կրիպտոարժույթները սկսեցին մրցել դոլարի հետ ՝ 2022 թվականի երրորդ եռամսյակում ամենաեկամտաբեր ակտիվի կոչման համար։ Այս մասին հայտնում է Bloomberg-ը։ Հրապարակման մեջ նշվում է, որ MVIS CryptoCompare Digital Assets 100 ինդեքսը հունիսի վերջից աճել է 7,3%-ով։ Միաժամանակ արժեթղթերը, պարտատոմսերն ու ոսկին արժեզրկվել են. դոլարը նույն ժամանակահատվածում թանկացել է նույնքանով։
Գործակալության տվյալներով ՝ ավանդական ակտիվների ինդեքսների անկումը խոսում է այն մասին, որ շուկան դեռևս նկատում է ցնցումներ, որոնք տեղի են ունեցել դրամավարկային քաղաքականության խստացման պատճառով։
Սեպտեմբերի 16-ին Միացյալ Նահանգները ներկայացրեց թվային արժույթների ոլորտում կարգավորման ներդրման առաջին հայեցակարգը։
Մինչ այդ թրեյդերները կրիպտոարժույթների շուկայում տատանումների ֆոնին ընդամենը մեկ օրում կորցրել էին մոտ 355 միլիոն դոլար։ Ընդամենը մեկ օրում լուծարվել է ավելի քան 98,000 գործարք։ Ընդ որում, ամենաշատ կորուստները կրել է բիթքոյնը, որտեղ թրեյդերները կորցրել են 132 մլն դոլար։
