ՏԿԵ նախարարությունում քննարկվել են վերականգնվող էներգետիկայի և էներգաարդյունավետության օրենսդրական նախաձեռնությունները

Քննարկված նախաձեռնությունները ուղղված են վերականգնվող էներգիայի կիրառման ընդլայնմանը:

ՀՀ տարածքային կառավարման և ենթակառուցվածքների նախարարի տեղակալ Նարեկ Ապիտոնյանը ընդունել է Գերմանական միջազգային համագործակցության ընկերության (GIZ) ներկայացուցիչներին։ Այդ մասին հայտնել են նախարարությունից։

Հանդիպմանը մասնակցել են «Կայուն էներգիա հանուն Հայաստանում կլիմայակայուն համայնքային զարգացման» ծրագրի ղեկավար Օլգա Վայգելը, ինչպես նաև խորհրդատուներ Կալլե Վուլֆը և Արսեն Հայրիյանը։

Քննարկումների ընթացքում ներկայացվել է «Վերականգնվող էներգետիկայի և էներգաարդյունավետության մասին» օրենսդրական փաթեթի նախագիծը, որը նպատակ ունի ձևավորել ոլորտի կարգավորման նոր շրջանակ։ Անդրադարձ է կատարվել նաև Էներգախնայողության և վերականգնվող էներգետիկայի 2022–2030 թվականների ծրագրի երկրորդ փուլի իրագործումն ապահովող ծրագիր-ժամանակացույցին, որը նախատեսված է 2026–2030 թվականների համար։

Քննարկված նախաձեռնությունները ուղղված են վերականգնվող էներգիայի կիրառման ընդլայնմանը և էներգաարդյունավետության քաղաքականության շարունակական իրականացմանը։