Համայնքային ոստիկանները հայտնաբերել են ավտոմեքենան գողացած երիտասարդին. նրա մոտ թմրամիջոց է եղել (տեսանյութ)

Դեպքի առթիվ կազմված փաստաթղթերը փոխանցվել են նախաքննական մարմին

Հունվարի 31-ի գիշերը՝ ժամը 1:15-ին, ՆԳՆ ոստիկանության Արարատի մարզի օպերատիվ կառավարման կենտրոն ահազանգ է ստացվել քաղաքացուց, որը հայտնել է, որ Ոստան գյուղի Շիրազի փողոցի տներից մեկի մոտ կայանված իր «Կիա» մակնիշի ավտոմեքենան գողացել են։

Համայնքային ոստիկանության Արտաշատի բաժնի ծառայողները պարզել են, որ ավտոմեքենան պատկանում է Ուրցաձոր գյուղի բնակչին և գողացվել է այն պայմաններում, երբ շարժիչը գործարկված է եղել, իսկ դռները՝ բաց։

Ձեռնարկված օպերատիվ-հետախուզական միջոցառումների արդյունքում պարզվել է, որ գողությունը կատարել է Դիմիտրով գյուղի բնակիչ 34-ամյա տղամարդը։ Նա հայտնաբերվել է գողացված ավտոմեքենայով և տեղափոխվել ոստիկանության բաժին։

Անձնական խուզարկության ընթացքում նրա մոտ հայտնաբերվել են թմրամիջոցի նմանվող զանգվածով կաթուցիչ, ներարկիչներ և ծալովի դանակ։

Դեպքի առթիվ կազմված փաստաթղթերը փոխանցվել են նախաքննական մարմին՝ հետագա իրավական ընթացքի համար։