ԱՄՆ-ն հրավիրում է ՌԴ-ին վերադառնալ համանախագահության ձևաչափ

ԱՄՆ պատրաստ է աջակցել Հայաստանի ու Ադրբեջանի երկխոսությանը ցանկացած եղանակով ու ձևաչափով: Այս մասին հայտարարեց ԱՄՆ պետդեպարտամենտի խոսնակ Նեդ Փրայսը:
Բաքվում այս հայտարարությունը շտապեցին մեկնաբանել, որպես ազդակ, որ արդեն ԱՄՆ-ն էլ է պատրաստ հրաժարվել ԵԱՀԿ ՄԽ համանախագահության միջնորդական ձևաչափից:
Դրան հաջորդեց Հայաստանում ԱՄՆ դեսպան Լին Թրեյսիի հայտարարությունը. «Մենք ասել ենք, որ պատրաստ ենք Մինսկի խումբն օգտագործել որպես հարթակ։ Այդ առաջարկը մնում է բաց»:
Սակայն ԱՄՆ այս հայտարարությունը ոչ այնքան պատասխան էր Ադրբեջանին, որն ամեն գնով փորձում է ձերբազատվել ԵԱՀԿ ՄԽ համանախագահության ձևաչափից և դրա ներքո ձևավորված բանակցային հիմքից ու ընկալումներից, որքան ՌԴ հետ աշխարհաքաղաքական պայքարի մաս: