2024 թվականին տնտեսվարող սուբյեկտները նախնական մաքսային հայտարարագրման համակարգի միջոցով խնայել են 200 մլն դրամ Կառավարության հերթական նիստում ՊԵԿ նախագահ Ռուստամ Բադասյանը ներկայացրել է մաքսային ոլորտում օրինապահ հարկ վճարողի համակարգի ներդրման վերաբերյալ որոշման նախագիծը, որն ընդունվել է միաձայն։ ՊԵԿ նախագահն անդրադարձել է նաև մաքսային ոլորտում իրականացված մի շարք բարեփոխումներին։ Մասնավորապես, նախնական մաքսային հայտարարագրման համակարգից օգտվողների թիվն ավելացել է 4․2 անգամ։ Այժմ մաքսազերծման գործընթացը՝ 20-ից 70 ժամի փոխարեն տևում է 1-ից 3 ժամ։ Այս համակարգի միջոցով 2022 թվականի համեմատությամբ գրանցվել է 173 տոկոսով աճ։ Եթե 2022 թվականին նախնական մաքսային հայտարարագրմամբ սպասարկվել է 3976 բեռնատար, ապա 2023 թվականին այս համակարգով սպասարկված բեռնատարների թիվը հասել է 16 746-ի։ Այսպիսով, 2024 թվականին տնտեսվարող սուբյեկտները նախնական մաքսային հայտարարագրման համակարգի միջոցով մաքսազերծման գործընթացում խնայել են 200 մլն դրամ։ https://www.youtube.com/watch?v=tKDtvbtqy_c ՊԵԿ տեղեկատվության և հասարակայնության հետ կապերի բաժին