Գեղարքունիքի քրեական ոստիկանները հայտնաբերել են ապօրինի պահվող զենք-զինամթերք և մեծ քանակությամբ թմրանյութ

Քրեական վարույթի շրջանակում նախաքննությունը շարունակվում է, հանգամանքները պարզվում են։

Քրեական ոստիկանության Գեղարքունիքի մարզային վարչության ծառայողները դեռևս անցած տարվա նոյեմբերին ստացել էին օպերատիվ տեղեկություն, ըստ որի՝ Սևան քաղաքի, Գագարին, Ծաղկունք և Լճաշեն գյուղերի բնակիչ մի խումբ տղամարդիկ ապօրինի պահում են զենք-զինամթերք և թմրամիջոցներ։

Նոյեմբերի 15-ին նախաձեռնվել է քրեական վարույթ, որից հետո իրականացվել են օպերատիվ-հետախուզական լայնածավալ միջոցառումներ և քննչական գործողություններ։ Արդյունքում տեղեկությունը հաստատվել է, ինչպես նաև ճշտվել է կասկածելի անձանց շրջանակը։

Փետրվարի 4-ին դատարանի որոշմամբ Քննչական կոմիտեի ծառայողները՝ քրեական ոստիկանության Գեղարքունիքի մարզային վարչության և Համայնքային ոստիկանության Սևանի բաժնի աշխատակիցների հետ համատեղ, խուզարկություններ են իրականացրել 11 անձանց բնակության վայրերում։

Խուզարկությունների ընթացքում հայտնաբերվել են՝

• Սևանի բնակիչ 34-ամյա տղամարդու տանը՝ նռնակ և փամփուշտներ,

• Սևանի բնակիչ 29-ամյա տղամարդու տանը՝ թմբուկավոր ատրճանակ, դեղնականաչավուն զանգված և կանեփի սերմ,

• Ծաղկունքի բնակիչ 52-ամյա տղամարդու տանը՝ կանեփի 22 ցողուն՝ մոտ 2 կիլոգրամ քաշով, կանեփի սերմ, շուրջ 620 գրամ կանեփանման զանգված, ինչպես նաև ավելի քան 11 կիլոգրամ չորացված և մանրացված զանգվածներով լցված 32 տարա,

• Լճաշենի բնակիչ 49-ամյա տղամարդու տանը՝ մոտ 288 գրամ մանրացված կանեփանման զանգված։

Քրեական վարույթի շրջանակում նախաքննությունը շարունակվում է, հանգամանքները պարզվում են։