Պարզություն, արագություն ու հասանելիություն: Մարդիկ ցանկանում են բանկային ծառայությունների հասանելիություն ունենալ ցանկացած վայրից ու ցանկացած պահի: Տեխնոլոգիաների և թվայնացման դարաշրջանում ժամանակը դառնում է ամենաթանկ ռեսուրսը, իսկ բանկերի Մոբայլ հավելվածները՝ լավագույն լուծումը:
Այսօր Մոբայլ հավելվածի ընտրություն են կատարում մի քանի չափորոշիչով. ժամանակի խնայողություն, անհրաժեշտ գործարքին հեշտ հասանելիություն, հարմարավետություն: Հաշվի առնելով հենց այս կարծիքները և արձագանքները՝ Կոնվերս Բանկը օրերս հաճախորդներին է ներկայացրել Կոնվերս Մոբայլ հավելվածի թարմացումը: Հավելվածի զարգացումն անհնար է չնկատել. գլխավոր էջից մեկ հպումով օգտատերը հասանելիություն է ստանում ամենապահանջված բանկային պրոդուկտներին՝ վարկ, ավանդ, քարտի պատվեր, փոխանցումներ, ինչպես նաև տեղեկանում է արշավների ու մրցույթների մասին:
Չի անտեսվել նաև հաճախորդների տվյալների և բանկային գործարքների անվտանգությունը. դրանց ապահովությունը երաշխավորված է միջազգային ամենաբարձր չափանիշներով:
«Մենք ամեն ինչ անում ենք հաճախորդի ֆինանսական միջոցներն ու բանկային տվյալները պաշտպանելու համար և փորձում ենք քիչ բան թողնել հաճախորդին այդ հարցում»,- ասում է Կոնվերս Բանկի Մոբայլ հավելվածի պրոդուկտ մենեջեր Տաթև Մադաթյանը:
Հավելվածի թարմացումները, ֆունկցիոնալ հնարավորությունների մեծացումը շարունակական գործընթաց է լինելու, որից շահելու են առաջին հերթին Բանկի հաճախորդները:
Բանկը վերահսկվում է ԿԲ կողմից:
