Քննարկվել են Հայաստանի տնտեսական զարգացման առաջնահերթությունները

ՀՀ էկոնոմիկայի նախարար Գևորգ Պապոյանը մարտի 25-ին ընդունել է Արժույթի միջազգային հիմնադրամի հայաստանյան առաքելության ղեկավար Ալեքսանդր Թիմանի գլխավորած պատվիրակությանը։

Հանդիպմանը մասնակցել են նաև նախարարի տեղակալ Անուշիկ Ավետյանը և ԱՄՀ մշտական ներկայացուցիչ Ումանգ Ռավաթը։

Քննարկումների ընթացքում անդրադարձ է կատարվել Հայաստանի տնտեսական զարգացման առաջնահերթություններին, իրականացվող բարեփոխումներին և տնտեսական հեռանկարների հիմնական ռիսկերին։

Կողմերը քննարկել են նաև 2025–2030 թվականների արտահանման ռազմավարությունը, հայկական ընկերությունների ներգրավվածությունը միջազգային շուկաներում, ինչպես նաև օրենսդրական և ինստիտուցիոնալ բարեփոխումները։

Անդրադարձ է կատարվել ներդրումային քաղաքականությանը և խոշոր ներդրումային ծրագրերի իրականացմանը։

Բացի այդ, քննարկվել են արդյունաբերական և ազատ տնտեսական գոտիների զարգացումը, ՓՄՁ մրցունակության 2026–2030 թվականների ռազմավարությունը և կապիտալի շուկայի զարգացումը։

Հանդիպման ընթացքում քննարկվել են նաև տարածաշրջանային զարգացումները և սահմանների ապաշրջափակման հարցերը։