Starbucks-ի բաժնետոմսերն աճել են, քանի որ Starboard Value հեջ ֆոնդը մասնաբաժին է ձեռք բերել աշխարհի ամենամեծ սուրճի սպասարկման ցանցում: Ըստ The Wall Street Journal-ի՝ ներդրումների չափն ու պայմանները դեռ հայտնի չեն։
Անցյալ ամիս Starbucks-ը հայտնել է երրորդ եռամսյակում նախորդ տարվա համեմատ եկամուտների նվազման մասին. համաշխարհային վաճառքները նվազել են 3%-ով, որից 14%-ը՝ Չինաստանում: Թեև ընկերության մեկ բաժնետոմսի արժեքը օգոստոսի 12-ի դրությամբ կազմել է 77 ԱՄՆ դոլար՝ գրանցելով 2.2% աճ, այնուամենայնիվ դրանց արժեքը տարվա սկզբից նվազել է 20%-ով:
Intel-ը երկրորդ եռամսյակում վաճառել է բրիտանական չիպեր արտադրող Arm Holdings ընկերության իրեն պատկանող բաժնետոմսերը: Ընկերությունը վաճառքից կունենա մոտ 146.7 մլն ԱՄՆ դոլար:
Չիպարտադրողը հայտնել է, որ կկրճատի իր աշխատուժի ավելի քան 15%-ը և կդադարեցնի շահաբաժինների վճարումը՝ պայմանավորված ավանդական տվյալների բազաների կիսահաղորդիչներից դեպի արհեստական բանականությամբ աշխատող չիպերի արտադրության անցմամբ, որտեղ զիջում է Nvidia-ի նման մրցակիցներին: Տարվա սկզբից Intel-ի բաժնետոմսերի արժեքը նվազել է ավելի քան 59%-ով՝ օգոստոսի 13-ի դրությամբ կազմելով 20 ԱՄՆ դոլար:
Ferrari-ի բաժնետոմսերը հասնում են ռեկորդային առավելագույնի: Շահույթի աճող գնահատականները, բաժնետոմսերի հետգնումը և EV հավակնությունները բարձրացրել են Ferrari-ի բաժնետոմսերի արժեքը 5%-ով՝ օգոստոսի 14-ի դրությամբ մեկ բաժնետոմսի դիմաց կազմելով 453 ԱՄՆ դոլար: Իտալական շքեղ սպորտային մեքենաների արտադրողը բարձրացրել է ամբողջ տարվա ֆինանսական ուղեցույցը երկրորդ եռամսյակի գնահատականներից հետո:
Հուլիսի 30-ին Ferrari-ն հայտարարեց իր 250 միլիոն եվրո արժողությամբ բաժնետոմսերի հետգնման ծրագրի շրջանակներում ևս մեկ գնման մասին, որը կիրականացնի մինչև 2026 թվականը: 2025 թվականին Ֆորմուլա 1-ի յոթակի չեմպիոն Լյուիս Հեմիլթոնը պատրաստվում է միանալ Ferrari-ի թիմի՝ հեռանալով Mercedes-Benz-ից: Բացի այդ, Ferrari-ն նախատեսում է նոր գործարան ունենալ իր առաջին էլեկտրական մեքենաների արտադրության համար:
Չինական Lenovo Group-ը հաղորդել է եռամսյակային եկամուտների 20%-ով աճի մասին՝ պայմանավորված անհատական համակարգիչների համաշխարհային շուկայի վերականգնումով: Ընկերության զուտ եկամուտը եռամսյակում կազմել է 243 միլիոն դոլար:
Հունիսին ավարտված երեք ամիսների ընթացքում ընկերության հասույթն աճել է մինչև 15.4 միլիարդ դոլար, ինչը գերազանցում է վերլուծաբանների կողմից ակնկալվող 14.1 միլիարդ դոլար միջին գնահատականը: Համակարգիչների համաշխարհային առաքումներն աճել են 3%-ով՝ հասնելով 64.9 միլիոն միավորի: Lenovo-ն պահպանել է իր դիրքը որպես շուկայի առաջատար՝ զբաղեցնելով շուկայի 23% մասնաբաժինը: Ընկերության մեկ բաժնետոմսի արժեքը օգոստոսի 15-ի դրությամբ կազմում է 26 ԱՄՆ դոլար:
ԴԻՄԵՔ ՄԵԶ՝
+374 11 888 118
Մենք օգնում ենք կառավարել ձեր խնայողությունները՝ ներդնելով միջազգային շուկաներում: Նպատակն է ապահովել բարձր եկամտաբերություն և ստեղծել անվտանգության բարձիկ:
Կազմակերպությունը վերահսկվում է ՀՀ Կենտրոնական Բանկի կողմից
