Մատենադարանի և ԱրարատԲանկի միջև ստորագրվել է նվիրաբերության պայմանագիր, որով ԱրարատԲանկի հովանավորությամբ կարդիականացվի և կվերազինվի ձեռագրերի կենսաբանական հետազոտությունների լաբորատորիան և կկազմակերպվի ու կանցկացվի Մատենադարանի հեղինակած «Հիշողության կերպարանքները․ ձեռագիր և տպագիր ժառանգության պահպանման և վերականգնման նորագույն տեխնոլոգիաներ» ամենամյա 13-րդ միջազգային սեմինարը։ Մատենադարանի և ԱրարատԲանկի միջև առավել ընդգրկուն համագործակցություն ձևավորելու նպատակով ստորագրվել է նաև հուշագիր։
Մաշտոցյան Մատենադարանը հատուկ ծրագրով ԱրարատԲանկի Վարչության և Խորհրդի անդամներին հյուրընկալել էր մարտի 1-ին: Այդ այցի ընթացքում է ղեկավար կազմին ներկայացվել Մատենադարանի գործունեության բնույթն ու առանձնահատկությունը, վերականգնման լաբորատորիաների վերազինման անհրաժեշտությունը, վերականգնման ոլորտում միջազգային համագործակցության ընդլայնման կարևորությունը։
Բանկի ներկայացուցչական անձնակազմը ողջունել էր համագործակցության առաջարկը, որի արդյունքում էլ ստորգրվել է համագործակցության հուշագիր:
