Ամսական բորսայական ամփոփում
Տարվա սկզբին մի շարք հարթակներում շարունակվել է ակտիվությունը։ Մասնավորապես կորպորատիվ պարտատոմսերի շուկայում և՛ առևտրի, և՛ շուկայի ծավալը պահել են աճի դինամիկան։ Ծանոթացի՛ր վերջին 12 ամիսների շուկայական ակտիվությանը մեր ամսական ամփոփագրում։
2. Տեղի է ունեցել 36․9 մլրդ դրամ ծավալով պետական պարտատոմսերի տեղաբաշխման աճուրդ
Հայաստանի ֆոնդային բորսայում հունվարի 14-ին տեղի է ունեցել 36․9 մլրդ դրամ ծավալով AMGB1129A357 տարբերակիչ ծածկագրով պետական պարտատոմսերի տեղաբաշխման աճուրդ։ Աճուրդի տեղաբաշխման ենթակա ծավալը կազմել է 70 մլրդ դրամ, իսկ պահանջարկը՝ 46․6 մլրդ դրամ։
Նոր ներդրումային հնարավորություններ
1. «ԹԵԼ-ՍԵԼ» ԲԲԸ-ի բաժնետոմսերը Հայաստանի ֆոնդային բորսայում
2024 թվականի դեկտեմբերի 30-ին «ԹԵԼ-ՍԵԼ» ԲԲԸ-ն մուտք գործեց Հայաստանի ֆոնդային բորսայի բաժնետոմսերի շուկա՝ դառնալով 12-րդ ցուցակված ընկերությունը։ Ցուցակման առաջին ամսվա ընթացքում Ընկերության կապիտալիզացիան աճել է 4.75%` 13,860,000,000 ՀՀ դրամից դառնալով 14,518,350,000 ՀՀ դրամ։
2. «ԱԿԲԱ ԲԱՆԿ» ԲԲԸ լրացուցիչ տեղաբաշխված բաժնետոմսերը ցուցակվել են Հայաստանի ֆոնդային բորսայում
485,000 հատ լրացուցիչ տեղաբաշխված սովորական անվանական բաժնետոմսերը ցուցակվել և ընդգրկվել են բորսայի բաժնետոմսերի հիմնական (A) ցուցակում։ Ինչպես նաև տեղի է ունեցել «ԱԿԲԱ ԲԱՆԿ» ԲԲԸ-ի 5,500,000 հատ ցուցակված բաժնետոմսերի անվանական արժեքի փոփոխություն` 15,000 ՀՀ դրամ 10,000 ՀՀ դրամի փոխարեն։
3. Ցուցակվել են «ԱյԴի ԲԱՆԿ» ՓԲԸ պարտատոմսերը
Ցուցակվել են 2,253,700 ԱՄՆ դոլար ծավալով պարտատոմսեր։ Պարտատոմսի անվանական արժեքը 100 ԱՄՆ դոլար է, իսկ արժեկտրոնի տոկոսադրույքը 4․75%։
