Համաշխարհային ինդեքսներ
Երեքշաբթի ամերիկյան ինդեքսները դրական են փակվել՝ Dow Jones Industrial Average-ն աճել է 0,36 %-ով հասնելով 38711,29 կետի։ S&P 500-ը ավելացել է 0,15%-ով հասնելով 5291,34 կետի։ S&P 500-ի ֆյուչերսները չորեքշաբթի ավելացել են 0,15%-ով։
Ճպոնական Nikkei 225-ը աճում է 0,19%-ով հասնելով 38523 կետի, կորեական KOSPI-ն ավելանում է 1,29%-ով հասնելով 2696,54 կետի, չինական Shanghai Composite-ը կրճատվում է 0,65%-ով հասնելով 3071,08 կետի։
Մակրոէկոնոմիկա
1․Գերմանիայում գործազրկության մակարդակը մայիսի արդյունքների համաձայն պահպանվել է 5,9%:
2. ԱՄՆ-ում արդյունաբերական պատվերների ծավալի դինամիկան մայիսի վերջին մնացել է 0,7% Ա/Ա, այն համընկել է կանխատեսման հետ։
3․ World Gold Council-ի (WGC) տվյալների համաձայն, համաշխարհային կենտրոնական բանկերը ապրիլին 3,7 տոննայով ավելացրել են իրենց պահուստներում ոսկու ծավալը։
Հանքարդյունաբերական շուկաներ
Այսօր ոսկու գինը բարձրանում է, մեկ ունիցայի դիմաց վաճառվելով $2329,50։ Երեքշաբթի նավթային գնանշումները նվազել են։ Այժմ Brent ապրանքանիշի նավթի գինը մեկ բարելի դիմաց $77,5 է, WTI-ի գինը մեկ բարելի դիմաց $73,2։
Կորպորատիվ իրադարձություններ/ միջոցառումներ
1․ Չինական էլեկտոմոբիլներ արտադրող՝ Nio, Li Auto, XPeng ընկերությունները մայիսին ավելացրել են մատակարարումները, ինչպես ամսական, այնպես էլ տարեկան կտրվածքով։ Nio-ն հայտարարել է, որ 2024 թվականի մայիսին առաքել է ռեկորդային՝ 20544 մեքենա (+31,5% Ա/Ա)՝ ավելի քան երեք անգամ ավել, քան 2023 թվակաի մայիսին։
Li Auto-ն առաքել է գնորդներին 35 հազար էլեկտրոմոբիլ, այսպիսով, մատակարարումները ավելացել են 35,8%-ով Ա/Ա և 23,9%-ով Տ/Տ։ XPeng-ը մայիսին վաճառել է 10146 մեքենա։ Տվյալ մակարդակը 8%-ով ավել է, քան ապրիլինը և 35%-ով ավել նախորդ տարվա մայիսից։
2․ Ներդրողների հետ հանդիպման ժամանակ Ozon-ի նեկայացուցիչները ի պատասխան ռեդոմիցիլացման վերաբերյալ հարցին, հաղորդել են, որ ռեդոմիցիլացման ժամկետներն ու ձևաչափը որոշվում են բաժնետերերի կողմից և այս պահին ընկերությունը չի կարող հստակ ժամկետներ տրամադրել։ Ոչ ռեզիդենտներից գնում դեռ չեն պլանավորում։ Նշվում է, որ բաժնետոմսերի մոտ 30%-ը պահվում է արևմտյան դեպոզիտարիաներում, իսկ մոտ 10%- ը НРД-ում։
