Բնակարանների և բնակելի տների էներգաարդյունավետ նորոգում

Մշակվում է բնակարանների և բնակելի տների էներգաարդյունավետ նորոգման պետական աջակցության ծրագրի իրականացման կարգը

Բնակարանների և անհատական բնակելի տների էներգաարդյունավետ նորոգման աշխատանքների պետական աջակցության ծրագրի իրականացման կարգը մշակելու համար Քաղաքաշինության կոմիտեն նախաձեռնել է հանդիպում պետական մարմինների, ֆինանսական կառույցների և միջազգային կազմակերպությունների ներկայացուցիչների հետ: Ծրագրի իրագործմամբ, սուբսիդավորելով էներգաարդյունավետ նորոգման վարկերի տոկոսները, պետությունը մի քանի կարևոր խնդիր է լուծելու. բնակչության բնակարանային պայմանների և բնակֆոնդի էներգաարդյունավետության բարելավում, քաղաքաշինության բնագավառում չիրացված ներուժի ներգրավում,  նաև շինարարական նյութերի տեղական արտադրության, ապրանքաշրջանառության ակտիվացում և հարկերի գեներացում: