Warner Bros.-ը խորհուրդ է տվել բաժնետերերին մերժել Paramount-ի առաջարկըWarner Bros.-ը խորհուրդ է տվել բաժնետերերին մերժել Paramount-ի առաջարկը

Բաժնետերերի վրա դրվում են էական ռիսկեր և ծախսեր։

Ամերիկյան Warner Bros. Discovery ընկերության տնօրենների խորհուրդը միաձայն խորհուրդ է տվել բաժնետերերին մերժել ավելի քան 108 մլրդ դոլարի չափով ընկերության վաճառքի առաջարկը, որը ներկայացվել էր Paramount Skydance-ի կողմից: Այս մասին հայտնել է WBD-ն։

«Բաժնետոմսերի ձեռքբերման առաջարկը, որը ներկայացվել է Paramount Skydance ընկերության կողմից դեկտեմբերի 8-ին, չի համապատասխանում WBD-ի և նրա բաժնետերերի շահերին և չի բավարարում «գերազանցող առաջարկի» չափանիշներին՝ համաձայն WBD-ի և Netflix-ի միջև դեկտեմբերի 5-ին հայտարարված միաձուլման համաձայնագրի պայմանների», – նշվում է մամուլի հաղորդագրությունում։

Paramount-ը WBD-ի բաժնետերերին ուղղակիորեն ներկայացրել է գնման առաջարկը այն բանից հետո, երբ Netflix Inc.-ը համաձայնության էր եկել WBD-ի մի շարք ակտիվների ձեռքբերման շուրջ՝ 82.7 մլրդ դոլարի գործարքի շրջանակում՝ պարտքը ներառյալ։ Paramount-ը հայտարարել էր, որ իր առաջարկը մրցակցի հայտից գերազանցում է 18 մլրդ դոլարով և որ պատրաստ է գործարքն ամբողջությամբ իրականացնել կանխիկ միջոցներով, մինչդեռ Netflix-ը առաջարկում է վճարման մասնակի իրականացում սեփական բաժնետոմսերով։

«Paramount-ի կողմից վերջերս ներկայացված բաժնետոմսերի ձեռքբերման առաջարկի մանրակրկիտ գնահատումից հետո տնօրենների խորհուրդը եկել է այն եզրակացության, որ դրա արժեքը բավարար չէ, իսկ մեր բաժնետերերի վրա դրվում են էական ռիսկեր և ծախսեր», – ասվում է WBD-ի հաղորդագրությունում։

Ընկերության ղեկավարությունը կարծում է, որ Netflix-ի հետ միաձուլումը բաժնետերերի համար ներկայացնում է ավելի բարձր արժեք, և անհամբեր սպասում են միավորման համոզիչ առավելությունների իրագործմանը: