Visa և Mastercard աշխարհի առաջատար վճարային քարտերի օպերատորները հայտարարել են, որ դադարեցնում են իրենց աշխատանքը Ռուսաստանում։ Նման քայլը ռուս-ուկրաինական պատերազմի արդյունք է։
Այս որոշումը ոչինչ չի փոխի Ռուսաստանում թողարկված քարտերի համար, որոնք գործարքներ կիրականացնեն Ռուսաստանում։ Ռուսաստանում գործող Վճարային քարտերի ազգային համակարգը (НСПК) ապահում է նման քարտերի անխափան գործունեությունը երկրի տարածքում։
Միևնույն ժամանակ, Ռուսաստանում թողարկված քարտերը չեն կարող գործարքներ իրականացնել արտասահմանում՝ լինի դա բանկոմատ կամ առցանց գնում արտասահմանյան հարթակից։
Ռուսաստանում թողարկված Visa և Mastercard քարտերը կշարունակեն գործել նաև այն երկրներում, որտեղ ընդունվում են նաև МИР քարտերը՝ Հայաստան, ԱՄԷ, Վիետնամ, Բելառուս, Ղազախստան, Կիրգիզիա, Տաջիկստան, Թուրքիա։
Ռուսաստանի առաջատար բանկերն արդեն արտահայտել են իրենց դիրքորոշումը՝ վճարային քարտերի առաջատար համակարգերի վերոնշյալ քայլի վերաբերյալ։ Մասնավորապես, ՎՏԲ բանկից հայտնել են, որ Visa-ի և Mastercard-ի արգելքը չի ազդի բանկի գործունեության վրա։ Միևնույն ժամանակ հավելելով, որ հաճախորդները կարող են օգտվել МИР քարտերից, որոնց պահանջարկը վերջին շաբաթում աճել է 15%-ով, իսկ թվային քարտերի թողարկումն աճել է 5 անգամ։
