ԱՄՆ ներգաղթային վիզայի համար 16 տարին լրացած բոլոր դիմողները պետք է ներկայացնեն դատվածություն չունենալու մասին տեղեկանք

Դեսպանությունը հորդորում է դիմողներին նախապես պատրաստել անհրաժեշտ փաստաթղթերը:

ՀՀ-ում ԱՄՆ դեսպանությունը տեղեկացնում է, որ 16 տարին լրացած ներգաղթային վիզայի բոլոր դիմողները պարտադիր պետք է ներկայացնեն դատվածություն չունենալու մասին տեղեկանք։

Տեղեկանքը պետք է տրված լինի վերջին 24 ամիսների ընթացքում և ներառի դիմողի ներկայիս և նախկինում ունեցած բոլոր անուններն ու ազգանունները։

Դեսպանությունից պարզաբանում են, որ դատվածություն չունենալու մասին տեղեկանք անհրաժեշտ է ներկայացնել՝

  • ներկայիս բնակության երկրից (եթե դիմողը բնակվել է 6 ամիս և ավելի),

  • ծննդավայր երկրից (եթե բնակվել է 6 ամիս և ավելի),

  • ինչպես նաև բոլոր այն երկրներից, որտեղ դիմողը բնակվել է 12 ամիս և ավելի՝ 16 տարին լրանալուց հետո։

Դեսպանությունը հորդորում է դիմողներին նախապես պատրաստել անհրաժեշտ փաստաթղթերը՝ վիզայի գործընթացը չհետաձգելու համար։