Պետական եկամուտների կոմիտեն պաշտոնական կայքէջում շարունակում է հրապարակել ՀՀ ՊԵԿ գործունեության վերաբերյալ եռամսյակային համառոտագրերը։ 2026 թվականի երրորդ եռամսյակի համառոտագիրն արդեն հասանելի է։
Համառոտագրում ներկայացված են 2026 թվականի երրորդ եռամսյակի ընթացքում ընդունված հարկային և մաքսային հարաբերությունները կարգավորող իրավական ակտերը, դրանց համառոտ նկարագրություններն ու պաշտոնական աղբյուրների հղումները։
Հարկային և մաքսային օրենսդրության նորություններից բացի՝ համառոտագրում կարելի է ծանոթանալ նաև տվյալ եռամսյակում Կոմիտեի գործունեությունը բնութագրող հիմնական ցուցանիշներին, ներառյալ՝ պետական բյուջե հավաքագրված հարկային եկամուտներին և պետական տուրքերին, հարկային ստուգումների արդյունքներին, ուսումնական ծրագրերին և այլն։
Առանձին բաժին է հատկացվել նաև հարկային եկամուտների և տնտեսական զարգացումների համադրությանը։
Փաստաթղթում ներառված է նաև Պետական եկամուտների կոմիտեի միջազգային համագործակցության վերաբերյալ համառոտ տեղեկատվություն։
