Ընդդիմադիր ճակատով հանդես եկող ուժերը հանդես են գալիս խաղաղության վերանայման տրամաբանությամբ․ ՀՀ վարչապետ

Իրենք չեն համարում, որ այն խաղաղությունը, որն այդ խաղաղությանը պետք է տեր կանգնել, և այդ խաղաղությունը պետք է խնամել:

Դժվար է հավատալ, որ մի ժողովուրդ ավելի քան հազարամյա դեգերումից հետո հասել է այն հանգրվանին, որին ձգտել է, և մեկ էլ այդ հանգրվանից 5 րոպե առաջ կատարում է կտրուկ շրջադարձ՝ զարգացման օրակարգից վերադառնալով գոյատևման և գոյապահպանության օրակարգին: Այսինքն՝ իմ կարծիքն այն է, որ դա պատմականորեն անհնար է: Այդ մասին Ազգային ժողով-Կառավարություն հարցուպատասխանի ժամանակ ասաց վարչապետ Նիկոլ Փաշինյանը:

Ըստ վարչապետի՝ պետք է պատմական պահը ճիշտ գնահատեն և՛ «Քաղաքացիական պայմանագիր» կուսակցությունը, և՛ քաղաքացիները՝ պատմությունը հասցնելով տրամաբանական, ոչ ֆատալիստական, այլ ֆատալիստական տրամաբանությունը ճեղքելու միջոցով խաղաղ հանգրվանի:

«Այսօր ընդդիմադիր ճակատով հանդես եկող ուժերը, բոլորը հանդես են գալիս խաղաղության վերանայման տրամաբանությամբ: Ըստ որում՝ հենց իրենք օգտագործում են խաղաղությունը պարտադրելու, ուժային մեթոդներով խաղաղություն պարտադրելու և այլնի մասին: Այլ կերպ, քան պատերազմի ճանապարհին ոտք դնելն անհնար է»,- ասաց Փաշինյանը՝ նշելով, որ խոսքը երեք ուժերի՝ Ռոբերտ Քոչարյանի, Սամվել Կարապետյանի և Գագիկ Ծառուկյանի ուժերի մասին է:

«Իրենք չեն համարում, որ այն խաղաղությունը, որն այդ խաղաղությանը պետք է տեր կանգնել, և այդ խաղաղությունը պետք է խնամել: Իրենք ասում են, որ այդ խաղաղությունը պետք է վերաբանակցել, ինքը այն չէ, և դա միանշանակ բացում է էսկալացիայի ճանապարհը:

Ինչո՞ւ պետք է դա տեղի չունենա այն էլ աշխարհաքաղաքական այս միջավարում, որովհետև այնտեղ, որտեղ պատերազմի հնարավորություն կա, այնտեղ, որտեղ պատերազմի դուռ կա, դուռը բաց է, պատերազմը մտնում է: Մենք չե՞նք տեսնում՝ ինչ է կատարվում աշխարհում: Որտեղ փոքր ճեղք եղավ, պատերազմն այդ ճեղքով մտնելու է, իսկ ձեր ասած ուժերը ոչ թե ճեղքի մասին են խոսում, այլ դռների փեղկերը լայնորեն բացում են»,- ասաց նա: